UMUGORE W'UMUNYABWENGE

Njye n'umugabo wanjye twaritumaranye imyeka irenga 10 tubana, dukundana kandi twuzuzanyaga muri byose. Ariko mu mwanya wakurikiyeho, Umugabo wanjye yampindukanye nk'igicu. Umugabo wankundaga wanyubahaga, ibyo byose yabishize hasi maze atangira kujya ancinyuma kumukobwa bakoranaga. Umubano wacu mu rugo urangirika burundu bigera no kubana. Wa mugabo wahaga agaciro mbere na mbere umuryango we aragenda arabyibagirwa, ibyiza byose akajya abigenera uwo mukobwa yancagaho inyuma, umwanya wose akawumarana n'uwo mukobwa. Urugo rwacu rwatangiye kuba iciro ry'imigani mu bantu kandi barizeraga ko dufite urugo rwiza. Abakozi nakoranaga nabo banyerekaga ama video n'amafoto y'umugabo wanjye aryamanye n'uwo mukobwa, bakabikora bannyega. Naragiye nicwa n'agahinda gakomeye, nibaza icyo nacumuye kumana. Numvaga icyo nkwiye gukora ari ugutandukana n'umugabo kuko sinarinshoboye kuba nabyihanganira. Gusa nyuma y'akanya gato, umutima wanjye waje kumpa inama nzima y'ubwenge. Umutima wanjye wansabye kuba inshuti n'uwo mukobwa umugabo wanjye yancagaho inyuma, kugira ngo menye ukuri kwimvano yo gusenyuka kurukundo rwanjye n'umugabo wanjye Negereye uwo mukobwa nihinduye undi muntu, birakunda mba inshuti ye. Ukuri namenye kwatumye ntaba imbarutso yarigiye gusenya urugo rwanjye, kuko naje gusanga burya ikibazo nyirabayazana kitari Umugabo wanjye ahubwo yari njye.