ITUNDA RY'ABUJIJWE EP17

Uyu munsi ni ku cyumweru. Umwe mu minsi ntagikunda rwose na gato

*Mama:* Sarah, sinshaka gusubiramo ubimenye

Nikije umutima ndongera ndiyorosa

Umugabo wa mama yadutumiye kurya iwe ibya nijoro, gusa jyewe ndumva ntashaka kujyayo ariko nta yandi mahitamo mfite.

Uyu munsi iyaba butiraga rwose. Ese ubundi ko yamaze kumwambika impeta nkaba ntakiri mineur, yamujyanye bakabana mu nzu bikarangira bakandeka nkimenya?

Nahise numva urugi rukinguwe rurongera rurakingwa mpita menya ko mama ubwo agiye

Ahuii noneho ngiye guhumeka byibuze.

Iyi minsi singisinzira bihagije kuko maze iminsi ndara amajoro niga, none byankukiyemo sinkibona ibitotsi

Gusa nabaye nkifatisha agatotsi numva umuntu arakomanze. Asyi wee. Aba na bo ntibaba bashakira umuntu amahoro. Narirengagije ariko akomeza gukomanga nuko biba ngombwa ko njya gukingura

Ngifungura nasanze ari Stephen, abanza kunyitegereza ahereye hasi kugera hejuru ubundi ageze ku isura mbona ayitinzeho. Nashimye Imana ko noneho nambaye itiriningi aho kuba ka gakabutura nkunda kwiyambarira ndi mu rugo

*Stephen:* ni karibu se?

Nahise mva mu muryango mwereka ko kwinjira byemewe rwose

*Sarah:* niko se, uragenzwa n’amahoro?

Yabanje kwicara mbona ari kumwenyura

*Stephen:* nari nje kukureba

Naramurebye, nzunguza umutwe

*Sarah:* ngo kundeba? Hanyuma ukanjyana hehe ubwo? Urumva se wizeye ko ndi bukujye inyuma ra?

Yahise ahaguruka aransatira

*Stephen:* ariko kuva twamenyana ko ibintu byose ngusabye uhakana, ubu koko byibuza nta kuntu wakemera irya none? Nshaka ko byibuze nk’inshuti tugira agahe tumara turi kumwe. 

Mana yanjye wee. Uyu na we yabaye nka ka kiziritse ku muhoro rwose pee.

*Stephen:* ngaho jya kwambara ahubwo igihe kiri kugenda.

Yabimbwiraga ari kunsunika ngo ngende

*Stephen:* kandi ntiwibagirwe koza amenyo disi we

*Sarah:* ahree. Stephen wowe ndakwanga

Nahise ngana mu cyumba nkora ibyo ansabye byose nuko ndasohoka

*Sarah:* ngaho mbwira. Tugiye hehe?

Ubwo nabimubazaga ndi kurira kuri moto. 

*Stephen:* urabimenya wowe humura. Ni ka surprise nyine

Twagiye urugendo rutari rurerure ariko nanone rutari rugufi cyane, moto natangiye ntinya noneho maze kuyikunda mba numva ifite umunyenga udasanzwe rwose pee. Iyo ndi kumwe na we mufashe mu nda namwegamye mu mugongo mba numva ari byiza cyaneee

Uko twakagiye yagabanyije umuvuduko nuko ndebye mbona turi ku mazi

*Sarah:* umva Stephen ntumbwire ko…

Yahise ahagarara, Mana yanjye. Ku mazi se?

*Stephen:* ngaho vaho noneho

Nahise mva kuri moto nuko ntegereza ko amara kuyiparika arangije aza agana aho ndi yifashe mu mifuka ansaba kumukurikira

*Sarah:* ahubwo ndashaka gutaha

*Stephen:* utaha kandi ari bwo tukihagera se?

Yahagaze amenye ko ntigeze mukurikira nuko arahindukira andeba ubona arakaye. Yagarutse aho ndi yihuta cyane, ubanza ibintu bigiye kumera nabi. Yahise anterura nk’agafuka k’ibijumba ubundi anterera ku bitugu, nk’umpetse mapyisi

*Sarah:* Stephen waretse

Namukubise udupfunsi mu mugongo ariko akomeza kumfata amaguru aranyihorera akomeza agendagenda aho ku mucanga

*Sarah:* nshyira hasi muginga dore imicanga iri kunjya mu maso

Yakomeje kunyihorera, uburakari bukomeza kwiyongera. Numvise ameze nk’uzamuka escaliers, noneho kubera ncuramye numvaga ndi hafi kugarura ibyo naraye ndiye pee. Ahubwo iyo mba naje mfashe ibya mu gitondo rwose nari kuba ndi kuruka ubu

Nageze aho numva anshyize hasi, ndiruhutsa

*Sarah:* ndakwanga

Ibyo mubwiye byose we yaramwenyuraga

Nitegereje aho hantu turi ngwa mu kantu

*Stephen:* iyi nzu ubona ni iy’ababyeyi banjye

Ni heza hegereye amazi rwose

Yahise ahindukira sinzi icyo agiye kuzana nuko ahita ampereza

*Stephen:* nakuzaniye ibi, Amy ni we wamfashije guhitamo

Yari maillot de bain. Narayirambuye numva ndumiwe. Amy aho tuzahurira azambona

*Sarah:* ngo iki urumva ndi bwambare aka kantu se jyewe koko? Ntabwo ndi bwoge rwose

*Stephen:* kubera iyihe mpamvu se?

*Sarah:* kubera ko ntabizi

Yaranyitegereje ahari akeka ko ndi kumubeshya nanjye ntegereza ko agira icyo arenzaho ndaheba ahubwo mbona ahise akuramo umupira

*Sarah:* uri mu biki?

Aho kunsubiza yaranyihoreye nanjye nkomeza kumwitegereza. Mbega ibituza byiza wee. Yego ntabwo yubatse umubiri cyane ariko rwose afite igituza cyiza pee. Yaranyihoreye mbona atangiye gufungura n’ipantalo, yego koo.

Nahise nibwiriza ndahindukira nirebera hanze sinshaka kumubona akuramo ipantalo da

*Stephen:* ntutinde uransanga ku mucanga

Yahise asohoka yegekaho urugi nsigara aho ndi kwibaza icyo nkora n’icyo ndeka. Sinajya mu mazi nambaye ariko nanone sinshaka kujyamo nambaye ubusa nduzi ko ari ubusa rwose. Bikini koko?

Gusa nabonye nta yandi mahitamo, ndayambara

Nasohotse mu nzu ndeba hirya no hino ndamubura. Nta bandi bantu bari bahari nuko nkomeza kugana ku mucanga, wari ushyushe kubera akazuba karimo gacana, hari akayaga keza gahuhera, disi sinaherukaga ahantu nk’aha

*Stephen:* Sarah…

Narahindukiye mpita mubona aho ari nuko na we mbona ari kunyitegereza ahereye ku birenge kugera ku mutwe, kuri jye numvaga nambaye ubusa buri buri pee

*Sarah:* none se turaguma hano ra?

*Stephen:* ntiwari wambwiye se ko utazi koga nyine wowe?

*Sarah:* nyine ni ko bimeze

Yahise amfata ukuboko ubundi amanukana tugana ku mazi. Nabanje kwanga ngenda ntabishaka ariko amazi ankoze ku birenge numva ni byiza

*Sarah:* waouu. Mbega amazi meza

Yahise anterura nk’uterura akana nanjye mpita mufata ku rutugu gusa numva ubwoba buraje

*Sarah:* Stephen uramenye…

Namaze kuvuga ayo magambo aba anjugunye mu mazi

Nahise ntabaza, kubera ubwoba naho we atangira kwisekera.

Naramusatiriye ngo nanjye mujugunye mu mazi. Ariko yahise atangira koga kuko yabonaga ko narakaye

*Sarah:* garuka hano se vuba

Aho kugaruka yakomeje koga nanjye ngerageza koga uko nshoboye, sinamenye ko ndi gusatira mu mazi rwagati, nuko numva amaguru ntakiri gukandagira ku mucanga maze ubwoba buba buramfashe.

*Sarah:* Stephen…

Nahise ntangira gusoma nkeri, amazi anyura no mu mazuru numva guhumeka bitangiye kunanira, ku mahirwe nahise numva Stephen amfashe arankurura ankura mu mazi, ankanda mu gituza ndakorora numva ntangiye guhumeka neza. Ahuiii

*Stephen:* wa kajiji we kuki winagaga mu mazi utazi koga?

Yandebye aho ndi, andi iruhande nuko ankorakora buhoro ku itama

*Stephen:* umeze neza se?

Narikirije ariko nari ndi gutengurwa neza neza. Yahise anyiyegereza cyane anyeguye nuko ankorakora mu mugongo, andeba mu maso. Indoro ye yaranshotoye nuko numva nta kindi nakora uretse gushyira umunwa wanjye ku we rwose, aka kanya.

Twatangiye gusomana nuko indimi ziba zirahuye, na we aba anteruye hasi ayiyicazaho maze numva ukuguru kwe kwa gatatu kuri gukura nkumva. Naratunguwe

Ako kanya yarekeye aho kunsoma, gusa jyewe numvaga yakomeza. 

Yarongeye anshyira hasi ku mucanga nuko ngaramye, asa n’unjya hejuru, natandukanyije amaguru

*Stephen:* uri mwiza bitarabaho

Yansomye ku gahanga amanuka ku munwa agana ku ijosi, akomereza ku rutugu, numvaga ari byiza cyane kuko yanyuzagamo agasa n’unduma bitababaza, …

…: Basore, ntimubona ko muri ku karubanda?

Stephen yahise yeguka ako kanya, tubona umugabo wo mu myaka 40 aturi iruhande atwereka hirya ahari umugore we n’abana

*Sarah:* yoo, mutubabarire

Yahise yigendera nta kindi arengejeho. Nahise nibaza ibyo twari turimo

*Sarah:* ibintu dukoze ntibyari bikwiye

Yarandebye

*Stephen:* ariko wabikoze ubishaka?

*Sarah:* simbihakana ariko twakabije, ni ikosa rwose

Yafunze amaso buhoro nuko yitsa umutima ahita ahaguruka nanjye arampagurutsa

*Stephen:* nyine byabaye byarangiye byihorere ngwino turebe akantu turya. 

Nahise mukurikira ntunguwe no kuba atabitinzeho gusa nanone ndabona aho bigana…

*_Iri tunda bose bari gusogongera ni nde uzaritera iryinyo bwa mbere se? agace ka 18 ntuzagacikwe_*

*