MURAMU WANJYE S01 Ep18

_*Nyuma y’amezi atatu*_

_JAMES_

Ntabwo nari nzi ko nshobora kugwa mu mutego wo gukunda Jessica bigeze aha. Hamwe mbura amahoro nkarwara nkumva ahari nanaremba

Byatangiye ari imikino sinari nzi ko bishobora gukomera hamwe mukunda bidasanzwe. Ndamukunda hamwe mba numva twakibera muri iyi si twenyine jye na we, hamwe mba numva afite byinshi avuze mu buzima bwanjye.

Ahari mwakibaza muti noneho yamaze gusimbura umwanya wa Janet mu mutima wanjye?

Janet? Janet?

Uriya ntakorwaho, dufitanye isano nini, isano y’amaraso. Ahubwo ndemera ko buri wese afite umwanya yihariye mu mutima wanjye. Umubano wanjye na Janet haba mbere yuko ibya Jessica bitangira ndetse na nyuma yaho, ntunyeganyega na gato.

Sinahakana yuko tujya turakaranya, tugatongana ariko byose ntaho bihuriye no kuba nkundana na murumuna we, na mbere yuko bitangira, utwo twabagaho

Yego bafite byinshi batandukaniyeho, ariko burya umuntu wese ateye ukwe kandi buri wese agira ibyiza bye n’ibibi bye. Nubwo Janet atita ku byo mu rugo cyane, akaba adakunda ibimutesha umutwe, ariko nanone ni wa muntu ntarabona yandakariye ngo abinyereke cyangwa abe yabirwara inzika.

Mu gihe Jessica nubwo ari umunyamwete n’umunyesuku kurenza mukuru we ariko ndakurahiye mbona we yanagukuramo ijisho. Iyo yarakaye aramoka neza neza, ariko nanone nkunda ko adahisha akababaro cyangwa uburakari kuko ako kanya iyo mubivuzeho birarangira.

Kugera ubu umubano wanjye na we ntawo mukuru we azi, kuko ibyo twumvikanye ni ugukomera ku ibanga. Inshuro tumaze kuryamana zo sinzi umubare wazo kuko igihe cyose twagiye kurangura, turarangura nyine. Ikintu niyemeje ni uko ntazigera mbikorera muri iyi Huye cyangwa se ngo mbe nahirahira nshaka indi mpamvu yatuma twinyabya tukabikora. Dufite impamvu ihoraho kandi izwi, twanemerewe na mukuru we. Iyo ntayindi ni ukujyana na we kurangura kugera igihe azabimenyerera akaba yajya yijyana.

Rero byibuze buri cyumweru tuba dufite umunsi wo kujyayo kandi ntabwo twabura byibuze amasaha abiri twinyabya tukabanza tugasuhuzanya neza dore ko mu rugo no kumukora mu ntoki biba bikaze.

Uyu munsi na bwo dufite gahunda yo kurangura, ariko noneho si ukurangura bisanzwe, turarangura bidasanzwe, mbese uyu munsi sijye ndi burote tugeze I Kigali rwose. Wa mugani wa babandi, uyu munsi haraza gushya.

_PAUL_

Icyakora mwa bantu mwe, James yarantunguye mu bagabo bose nabonye. Umugabo uryamana na muramu we, babana mu nzu imwe, umugore ntabe yanabakeka koko? Ibintu bye abagabo benshi babishoboye ubanza abagore baharikwa buturi ntibabikeke pee. Jyewe niyo nahuye n’ukora mu kabari inshuro ebyiri nshiduka nsigaye nirirwa kuri chat mwandikira kandi umugore wanjye na we arusha RIB kuneka, aba yabitahuye akagenda akamushishura undi akaba arandetse. None James we, ngo mu rugo ni muramu we, mu kazi ni umukozi nyine, ibindi bibera aho bari biherereye. Ahubwo se buriya Jessica koko we abibasha ate? Ko ubundi abakobwa bakunze gusuzugura bakuru babo iyo baryamanye n’abagabo babo?

Narumiwe neza neza jyewe.

Gusa ku ruhande rumwe ndamushima da. Ntabwo ibyo dukora ku ruhande biba bikwiye kugira aho bihurira n’imiryango yacu.

Niyo wafatirwamo ariko ukagira byibuze umutimanama uguhwitura ukakwibutsa yuko rwose ko imuhira naho ari ahantu, kandi bagukeneyeho kwitabwaho nawe, mbese buri wese ukamugenera ibimukwiye mu gihe cye

Ugirango se kuba ba sogokuru baraharikaga ba nyogokuru ntibibe intambara ni iki?

Buri mugore yabaga azi ibye anazi igihe abiherwamo. Umugabo na we akamenya ko niba ari kwa Mukamusoni, akora ibyaho, yagera kwa Nyiramana agakora ibyaho nyine. Bigatuma ahubwo abagore baharanira ko umugabo nagera iwe ari bumushime kurenza aho avuye. Mbese buri wese agashaka gukurura yishyira

Naho ubu anamenya ko waganirije umuturanyi, aho gushaka icyagukuruye kikuganishayo agahururana ibitutsi n’uburakari. Ibi aho gukemura ikibazo mbona byacyongera kuko urwanira icye ntarwana agisunika arwana agikurura.

Reka nigire kureba James ataragenda numvise ko uyu munsi ajya kurangura, kurangura byabaye kurangura. 

_JESSICA_

Ibintu biri kumbaho ubanza barandoze cyangwa narataye umutwe. Nakuze nzirana n’ibigabo biza bintereta bitaye abagore babyo

Ubwo muramu wanjye yambwiraga ko ankunda, sinigeze mbitindaho numvaga ko ashaka kundya amaturu, niko nanjye kwinjira mu gakino rwose ngo ubundi nzamukureho akantu ubundi nimanukire

None?

Amezi atatu ubu se ntashize nta n’isaha ndamukuraho? Muti nabaye injiji? Cyangwa muti byaranjabutse?

Byose nta na kimwe

Ahubwo nabaye *umucakara w’urukundo*

Simbabeshye nsigaye nkunda James hamwe mba numva kumusangira na mukuru wanjye ntacyo bintwaye, hahandi numva anansabye kungira umugore wa kabiri ku mugaragaro nahita nemera ntazuyaje. 

Uretse ibihumbi 50 bampemba buri kwezi kubera akazi nkora ko gucuruza, nta kindi kintu cye nifuza. Ibyo ankorera birahagije kuko ndanyurwa.

Yanyigishije kugira ibanga, kumenya aho ngaragariza amarangamutima yanjye n’aho nyahishira, anyigisha kumenya uko nitwara ntihagire unkeka.

Uyu munsi ni ukurangura, kandi yambwiye ko noneho ambikiye surprise. Nako buri munsi ubundi arantungura rwose. Reka nitegure tugende.

Harya nababwiye yuko ubu mukuru wanjye asigaye afite imodoka? Rwose mu kwezi gushize umugabo yarayimuguriye nziza cyane, asigaye ari we ujyana abana ku ishuri akanabacyura, mbese ibintu byabaye uburyohe hano.

****************

Ubwo twageraga I Kigali, nkuko bisanzwe twahise dutanga commande y’aho turangurira hatandukanye, nuko birangiye dufata taxi voiture twerekeza aho kuba turuhukira.

Gusa noneho ntabwo twagiye aho dusazwe tujya, ahubwo noneho twajyanye ahantu hameze nko mu rugo, yari inzu isanzwe rwose.

Twageze ku marembo umuzamu aradukingurira nuko turinjira

Tukigera muri salon nasanze nta muntu uhari, nuko James ambwira kujya mu cyumba

Ninjiye mu cyumba nsanga giteguye neza, gishashe, nuko mba nicaye aho ngaho mutegereje

Yaje kwinjira afite akabasi karimo amazi ashyushye, afite essui-main ku rutugu nuko ayitereka aho hasi ansaba gukandagiramo

Nakandagiyemo maze aba afashe isabune atangira kunyoza ibirenge

Numvaga amazi ari kunduhura imitsi yose, mbese yarimo anshimira ahandyaga niba ari ko nabivuga.

Nuko ubwo yamaraga kunyoza arampanagura maze azana utuvuta twari ku meza iruhande rw’igitanda, atangira kunsiga buhoro buhoro ari na ko amera nk’uri kunkorera ka massage

Uko yabikoraga yanyuzagamo akandeba mu maso, nkumva ibizonga biramfashe neza neza

Yakomeje atyo, azamuka imirundi yose agera mu mavi

Ubwo akomereza aho azamuka ankorakora buhoro buhoro ibibero byose maze agakanzu nari nambaye akomeza kukazamura atuje, nanjye ndatwarwa pee

Yansunitse buhoro mba ngaramye ku buriri maze na we akomeza kunkorakora, aba ageze ku ikariso nari nambaye, anyuza urutoki ku ruhande ku itako maze arwinjiza mo atangira gukinisha imyeyo, ururenda ruba rumbanye rwinshi, ubushagarira buvanzemo ubushake buba buriyongereye ntangira kwitsa umutima.

Nahise neguka nanjye buhoro nsa n’umusunika maze mba mufunguriye umukandara, mba ipantalo ye ndayimanuye nyimukuramo manura boxer nsingira igitsina mu ntoki ngisoma ku mutwe wacyo ubundi nkomeza kugikinisha nzamura manura.

Ubushake bwari bwinshi kuri twese maze tuba dufatanyije gukuramo imyenda yacu twisanga twabunuje maze mba murambitse hasi mujya hejuru ndayifata nyishyiriramo

Uko nazamukaga manuka twese nta wavugaga twari twatwawe, nuko birakomeza gutyo kugera ubwo yarangije nkimuri hejuru maze mwubararaho buhoro turuhukamo

Mu minota yindi nk’icumi twari dusubukuye, maze turarangura karahava.

Bigeze mu ma saa munani nibwo twavuye aho ngaho tujya kureba ibyaranguwe, maze turapakira mu modoka turataha.

Mu nzira tugenda, ubwo twageraga ahazwi nko *ku mukobwa mwiza* imbere yacu haturutse igikamyo, kiba gisekuye neza imodoka twari turimo, kandi James yari yicaye imbere hamwe na shoferi.

Imodoka yibaranguye ityo, nongeye kugarura ubwenge nsanga ndi mu bitaro. Ikintu cya mbere nabajije ngikanguka, *James ari hehe?*