IRIBA RY'URUKUNDO EP09

.

Duheruka Kevlar hari téléphone umuhamagaye tutazi ngo ni iyande. ese haba hari ikidasanzwe cyabaye?

.

inkuru ya Navio kki dabble le, mbahaye ikaze 

.

.

Kevlar yihuse asohoka, asiga Emera ahagaze aho yibaza ibimubayeho. Yari afite amatsiko menshi y’icyo umuhamagaye yari amubwiye. Kevlar yageze hanze, afata 'imodoka yihuta, akomeza kugenda yihuse cyane. N’ubwo Emera yari ahagaze atuje, umutima we wari urimo uruhuri rw’agahinda kuko yahoraga yibaza niba urukundo rwa Kevlar ari ukuri cyangwa niba hari undi ari kumuhisha. 

.

Scovis nawe yageze mu rugo umutima uremerewe, asanga mama we ari kuganira n’umuntu kuri telephone. yahagaze hafi aho, afata, umunota atangira gutekereza ibiri kumubaho, yahise yibuka Samu, ahita amurakaza. Scovis yabaye nk'ushaka kurira, ni uko mama we nawe aba arahugutse, Scovis avuga mu ijwi rituje ati: "Mama, mbabarira, jye sinzashobora kubana na Samu. Ndamukunda nk'inshuti ariko sinzi impamvu umutima wanjye unangira ku mukunda nk’umukunzi."

Mama we aramwiyegereza ati: "Scovis, urukundo ni ibintu bikomeye kandi ntawuguhatira gukunda uwo umutima wawe utiyumvamo. Ndakwinginze, komera, niwowe uzi ibyo urimo kandi amaherezo bizakemuka. Witerwa ikibazo ni uko papa wawe afunze. biraza kumera beza"

.

Ku rundi ruhande, Emera yabwiye Kevlar ko yagiye, ariko umutima we urimo kwibaza byinshi. N'ubwo yabonaga Kevlar amukunda, hari ibintu bimubera urujijo. Kevlar yari umusore w'ikirenga ariko urukundo rwabo rwari rufite imbogamizi zidasanzwe.

.

Nyuma y'aho, Kevlar yageze aho yagombaga kujya, asanga ari inshuti ye ya kera bari baratandukanye. Mu ijwi rituje ati: "Ndabona hari ikibazo?"

Inshuti ye yamubwiye ati: "Kevlar, nashakaga kukubwira ko hari ibintu bikomeye birimo bimbaho kandi nari nkeneye umunyamugisha ngo amfashe gukemura ikibazo mfite. Ndabizi uhangayikishijwe n’urukundo rwawe, ariko ngiye kukubwira ikintu cyatuma utekereza ko hari ibyiza biri imbere, kuruta ibyo urimo Kandi utari Uzi."

Kevlar yamwumvishe neza, yitsa umutima arongera ati: "Ndagufasha, ndabizi urakomeye kandi uzatsinda ibyo byose urimo guhangana nabyo."

.

kuruhande Scovis wari mu cyumba cye, yahise afata telephone arongera ahamagara Anitha. Ati: "Sha Ani, hari ikintu numva nkeneye kuganira nawe."

Anitha yamwumvise neza, aramubwira ati: "Sco, ibyo urimo binyereka ko umutima wawe uri mu bibazo bikomeye, ariko komera kandi ukomereze aho. Kevlar agomba kubona ko uri mu buryo bukomeye kandi urukundo rwawe ari rwa nyarwo."

Scovis arongera aramubwira ati: "Ni ukuri Anitha, ndamukunda kandi nta kintu cyambabaza nka kumubura. Kevlar ni we wagize impinduka mu buzima bwanjye kandi sinshaka kumureka."

.

Naho kwa Emera, umutima we urimo urujijo, yibaza byinshi ku rukundo rwa Kevlar. Ati: "Kevlar, ndamukunda ariko ese koko nawe arankunda uko abivuga? Ese wenda hari icyo andenza ntazi? Uyu munsi wansize ntazi uguhamagaye, uravuga ngo ufite icyo ugiye gukora."

Emera yari mu ntekerezo nyinshi, yibaza niba Kevlar afite ibanga rikomeye amuhisha, ariko icyizere cy’urukundo cyari kumutima we, cyari kimeze nk’umucyo w’ubuzima.

.

kuruhande, Kevlar yakomeje kuganira n'umusore wari wamuhamagaye, ati:" Bosco, ndashaka ubwire ikibazo bimeze gute?"

Bosco aramwitegereza, mu maso ye harimo ubwoba no kwiheba. "Kevlar, narafatitse. Narafunzwe igihe kirekire, kandi ndumva nkeneye umuntu wo kuntera ingabo mu bitugu. Ndi mu rugamba rukomeye."

Kevlar yaratunguwe, ariko ntiyahagarika kwumva inshuti ye. "Bosco, ndakumva. Ese ushaka ko ngufasha iki?"

Bosco: "Nkeneye ubufasha bwawe mu mategeko. Hari urubanza rwanjye ruri mu nkiko kandi ndumva nkeneye umuntu unzi kandi unyumva."

Kevlar ntiyigeze ategereza kabiri. "Ndagufasha, Bosco. Turi kumwe."

.

.

Mu gihe ibyo byabaga, Emera yari mu rugo, umutima wuzuye agahinda n'urujijo. Yumvaga adatekanye mu rukundo rwe na Kevlar. Ni bwo yahise afata icyemezo cyo kuganira na Kevlar akagaragaza ibyo afite ho, impungenge.

.

Ku rundi ruhande, Scovis na Anitha baraganiraga. Scovis yumvaga akeneye kumenya niba ibye na Kevlar bifite icyerekezo. 

Anitha: "Sco, nkunda ko uri umuntu uzi guharanira ibyo yifuza, kandi ndabizi ko urukundo rwawe na Kevlar ruzashinga imizi."

Scovis: "Anitha, ndifuza ko twungurana inama z'umugambi. Kevlar akwiye kumenya ko ndi mu buryo bukomeye kandi nshikamye ku rukundo rwe."

.

Mu gihe barimo baganira, Kevlar yari mu rugo rwa Bosco, bategura umugambi wo gukemura ikibazo afite mu mategeko. Bosco yari yizeye cyane Kevlar, kandi yabonaga ko urukundo rwe na Emera rufite imbogamizi nyinshi, ruzatuma Kevlar atamufasha neza uko abyifuza. ibyo byarabaye, Kevlar asubira mu modoka arataha, Akiri kugenda, telephone irasona kureba umuhamagaye asanga ni Emera, yamufashe yihuse, atungurwa no kumva atameze neza.

Kevlar: "Emera, ni iki cyakubayeho?"

Emera: "Kevlar, ndumva dukeneye kuvugana ku rukundo rwacu. Hari ibintu byinshi bimbuza amahoro."

Kevlar yari amwiteguye, ariko atungurwa n'uburemere bw'ibyo Emera yavugaga. "Emera, ndakumva neza. Ntacyo nguhisha, ndi hano kandi nshaka kugufasha."

Emera arongera aratekereza, ariko yifitiye icyizere. "Kevlar, urukundo rwacu rukeneye kuvugururwa. Ntabwo nshaka kumva ko hari ikintu utambwiye. Urukundo rwacu rugomba kuba rw'umwihariko kandi rwuzuye."

Kevlar ahumeka, mu mutima we yumvaga afite amahoro. "Emera, nkufitiye icyizere kandi ntacyo nguhisha. Tuzubaka urukundo rwacu ku musingi w'ukuri kandi nta bwoba bwo kubihisha."

.

Kevlar yiruhutsa, yumva umutima we uhagaze neza nyuma y'ikiganiro na Emera. N'ubwo ikibazo cya Bosco cyari gikomeye, yamenye ko gushyigikira urukundo rwe na Emera ari ngombwa cyane. Emera nawe yari yumvise neza ko Kevlar ari umusore w'ukuri kandi w'ubwenge, bityo bituma agira icyizere cyo gukomeza urugendo rw'urukundo rwabo.

Muri iryo joro, Kevlar na Emera bapanze guhura bukeye bwaho ngo baganire neza ku byari bimuteye impungenge. Kevlar yabonaga ko kuganira neza na Emera bishobora kuba intambwe ikomeye yo gukomeza kubaka urukundo rwabo.

Ku rundi ruhande, Scovis nawe yari mu rugo, umutima we uruhutse nyuma yo kuganira na Anitha. Yari yamenye ko kuganira n'inshuti ze bifite akamaro kanini, kandi byamufashije kubona uko yakwiyegereza Kevlar. Yafashe umwanzuro wo gukomeza kwihangana, yizeye ko urukundo rwe na Kevlar rushobora gutera imbere.

Mu gitondo cyakeye, Kevlar yabyutse kare, ategura umunsi we neza, yitegura guhura na Emera. Yafashe imodoka ye, yerekeza aho bari bumvikanye guhura. Akigera aho, yasanze Emera amutegereje. Yaramusekeye, maze bakomeza kuganira.

Kevlar: "Emera, ndishimye ko waje. Ndashaka ko tuvugana ku byari bikubangamiye kandi tugashaka igisubizo gihamye."

Emera: "Kevlar, ndagushimira kuba waje kandi ukaba witeguye kuganira. Hari ibintu byatumye numva nkwiye kubivugana nawe. Ndagukunda, ariko hari ibyo nabonaga bikeneye gusobanuka."

Kevlar yahise afata ikiganza cya Emera, aramwitegereza mu maso: "Emera, nta kintu na kimwe nshaka kuguhisha. Nshaka ko tuzirikana ku rukundo rwacu tukarukomeza nta rwikekwe. Niba hari icyo wibaza, mbwira, ndi hano ngo tuganire kandi tugikemure."

Emera yaratuje, maze atangira gusobanura impungenge ze: "Kevlar, navuga ko nari ntangiye kugira impungenge z'uko hari ibanga rikomeye undekanye. Iyo wabaga uhagurutse mu gihe ntacyo utubwiye, byantezaga urujijo."

Kevlar yaratuje, aramwenyura gato: "Emera, ndakumva neza. Iyo niyo mpamvu naguhamagaye joro, nagombaga kuganira na Bosco, inshuti yanjye ya kera. Hari ikibazo gikomeye afite, yambwiye ko yambuwe imigabane mu ruganda rwe kandi arifuza ko mufasha mu mategeko."

Emera yaramwitegereje, maze aramwenyura: "Kevlar, ndishimye ko wambwiye ukuri. Nanjye nari nagize impungenge, ariko ubu ndumva mbituye neza. Gusa ndifuza ko uzajya umbwira ibikuremereye byose, tukabiganiraho."

Kevlar yahise asubiza ati: "Nta kibazo, Emera. Ndagufitiye icyizere kandi urukundo rwacu ndashaka ko ruba urw'umwihariko. Tuzaharanira kubaka umubano wacu ku kintu cyose gifite agaciro."

Naho ku rundi ruhande, Scovis yari mu ntekerezo nyinshi, ategura umugambi wo kwiyegereza Kevlar. Yahamagaye Kevlar, aramubwira ati: "Kevlar, ndashaka ko tuza guhura. Hari ibintu byinshi nifuza kuganira nawe."

Kevlar, n'ubwo yari afite byinshi byo gukora, yafashe umwanya wo kubonana na Scovis. Yahuye na we nyuma y'inama ye na Emera. Scovis yaramurebye aramubwira ati: "Kevlar, ndashaka kukubwira ukuntu ngukunda kandi ngufitiye icyizere. Nubwo hari byinshi byatubayeho, ndifuza ko wamenya ko nshaka gukomeza umubano wacu."

Kevlar yaramwitegereje, ashyira ikiganza ku rutugu rwe: "Scovis, ndashima ko umbwiye ibyo ukunda kandi ukaba wifuza gukomeza umubano wacu. Nanjye ngufitiye icyizere kandi ndifuza ko tugira ibyiza byinshi imbere."

Scovis yahise asubiza ati: "Kevlar, ndashaka ko twungurana ibitekerezo ku buryo twabaho twishimye kandi tukubaka ejo hazaza heza."

Kevlar yaramwenyuye, maze abwira Scovis ati: "Nta kintu cyiza nko kugira umuryango w'inshuti nyazo kandi ziringaniza. Tuzaharanira kubaka urukundo rwacu no kurinda umubano wacu, kugira ngo tuzabeho twishimye."

Mu gihe ibyo byabaga, Bosco nawe yari ari kuganira n'abunganizi mu mategeko, yizeye ko Kevlar azamufasha kubona uburenganzira bwe. N'ubwo urugendo rwari rukomeye, yari afite icyizere ko ibintu bizagenda neza kandi agasubirana imigabane ye mu ruganda.

Kuva icyo gihe, Kevlar, Emera na Scovis bashyize hamwe imbaraga, bategura ejo hazaza hameze neza, haba mu rukundo, ubucuti no mu bucuruzi. Baharaniraga kugera ku nzozi zabo, kandi bakabikora bafite umutima umwe, bashyize imbere urukundo, ukwizerana n'ubufatanye.

Kevlar, Emera, na Scovis bakomeje kubaka umubano wabo, buri wese yihatira kugaragaza ko yita ku bandi no gushyigikirana mu bihe byiza n'ibikomeye. Kevlar na Emera bahuye kenshi, baganira ku mishinga yabo y'ejo hazaza, bagenda barushaho gusobanukirwa no gukundana cyane.

Ku rundi ruhande, Scovis yari arimo kwiyegereza Kevlar, agerageza kumwereka urukundo n'ubwitange. Gusa, mu mutima we, hari uburakari n'agahinda byari bikomeje gukura kuko yabonaga ko Kevlar n'ubwo amwitaho, yibandaga cyane kuri Emera. Ibi byamuteye impungenge, ndetse atangira kubona Emera nk'ikibazo gikomeye mu rugendo rwe rwo gutsindira umutima wa Kevlar.

Mu ntekerezo z'ijoro rimwe, Scovis yafashe umwanzuro ukomeye. Yatekereje ko kuba Emera ari mu nzira ye, ari we wamutandukanya na Kevlar, yagombaga gukora ikintu gikomeye kugira ngo akureho uwo mukeba. Yageze aho yibwira ko kuroga Emera ari bwo buryo bwonyine bwo kugera ku nzozi ze.

Mu gitondo cyakeye, Scovis yagiye kugura uburozi bukaze. Yari yateguye umugambi neza, ateganya ko azaroza Emera mu gihe bazahurira mu birori Kevlar yari yateguye kugira ngo bishimire intambwe nshya mu rukundo rwabo.

Ku munsi w'ibirori, Kevlar yari yishimiye cyane. Yatumiye inshuti n'umuryango, harimo na Bosco, kugira ngo bazishimane. Scovis yiteguye neza, amwenyura ariko imbere muri we afite umugambi mubi. Emera nawe yiteguye neza, yambaye neza kandi yishimiye kuba mu birori byateguwe n'umukunzi we.

Scovis yitwaje icupa rya divayi ryuzuye uburozi, aritegura kuzaryohereza Emera mu gihe cy'ibirori. Yabitekereje neza, azirikana ko icyo ari cyo cyonyine cyamuhuza na Kevlar burundu. Yiteguye neza umwanya mwiza wo gushyira uburozi mu kinyobwa cya Emera.

Mu gihe cy'ibirori, abantu bose bari bishimye, barasangira, barabyina, ndetse baganira neza. Kevlar yagaragazaga urukundo rwe rwose kuri Emera, ndetse banaganira ku by'ejo hazaza heza bahuriyeho. Scovis yari arekereje, yiteguye neza gushyira mu bikorwa umugambi we.

Mu gihe abari bahuze, Scovis yabonye umwanya mwiza wo gushyira uburozi mu kinyobwa cya Emera. Yakururiye icupa rya divayi, arisuka mu kirahure cya Emera, arangije yisubirira ku meza yicaragaho, atuje.

Gusa, mu gihe yari akimara gushyira uburozi mu kirahure, Kevlar yabonye ko hari ikintu kitari kimeze neza. Yitegereje Scovis, abona uburyo ameze nk’uhuze. Kevlar yahise agira impungenge, maze afata icyemezo cyo kugenzura neza icyo kirahure.

Kevlar yegereye Emera, amusaba kwihanganira akanya gato, ati: "Emera, ndashaka ko tuganira gato."

Emera yahise amusubiza ati: "Nta kibazo, Kevlar. Ndabizi hari ikintu kingenzi ushaka kumbwira."

Mu gihe Kevlar yakuraga Emera ku meza, afata cya kirahure, akijyana aho nta muntu ureba, aritegereza neza, arisogongeraho gato. Yahise yumva ikintu kidasanzwe, aramwenyura gato, asubira aho abandi bari, afata Scovis akaboko, aramujyana hirya gato.

Kevlar: "Scovis, hari ikintu nshaka ko umvugisha ukuri. Mbwira niba hari icyo ushidikanyaho mu rukundo rwanjye na Emera."

Scovis yahindutse mu maso, ariko akagerageza kwitwara neza, ati: "Oya Kevlar, nshaka ko wishima kandi ubeho neza. Nta kintu kibi nifuza."

Kevlar yaramuhagaritse, amureba mu maso neza: "Scovis, ndakubona. Ndabizi ko hari ikintu wambeshye. Ndagusaba kuvugisha ukuri."

Scovis yatuje, arangije avugisha ukuri, ati: "Kevlar, ndakubwiza ukuri. Naragerageje kuroga Emera kuko nari mfite ishyari ry'uburyo ukunda cyane. Narasaze mbitekereza, ariko ndumva mfite ikimwaro. Sinabashije kwihanganira kubona urukundo rwanyu rugenda neza."

Kevlar yari ababaye, ariko nanone yumvaga ko agomba guhangana n’iyo ngorane. Yegereye Scovis, aramubwira ati: "Scovis, ndakubabariye. Ariko nubwo ubabaye, ntugomba kugirira nabi uwo utemeranya nawe. Ndagusaba ko uzajya ugerageza guhangana n’ibibazo byawe utagize nabi. Urukundo rugomba kugirwa n'ukuri no gushyira imbere abandi."

Scovis yaramwenyuye, n'ubwo yari afite ikimwaro. Kevlar yahise asubira aho abandi bari, abwira Emera ibyari bimaze kuba. Emera yahise asubiza ati: "Kevlar, ndabizi ko bikomeye ariko ndishimye ko wakomeje gushyira ukuri imbere. Tuzaharanira kubaka urukundo rwacu rwuzuye icyizere n'ubwizerane."

Ibirori byarakomeje, n'ubwo hari ibyari byababayeho, bose baragerageza kongera kwishima no kuganira. Kevlar na Emera bakomeje kwiyegereza cyane, bashyira imbere icyizere n'urukundo rwabo. Scovis nawe yize isomo rikomeye ry'uburyo kwihangana no kubana neza n'abandi bifite akamaro....................

.............

................ loading episode....10

.

ngaho re! urukundo rwari rutumye Scovis yivuganye inshuti ye. nyuma yibi se arakomeza aharanire gutsindira umutima wa Kevlar? cyangwa arabireka yikundire Samu? naha dusubikiye Igice cyuyu munsi, nkwibutsa ko ukeneye Kugura iyi nkuru, wajya kuri app yacu. dusubire mugakurikiye.

.

|::::::::::::::::::::::::::-navio-nv-:::::::::::::::::::::::|