IRIBA RY'URUKUNDO EP10

Mu nkuru iheruka, twabonye Scovis agerageza kuroga Emera, ariko Kevlar aritambika, ibintu bihindura isura nyuma y'uko avumbuwe. Ese uyu munsi, Scovis arasaba imbabazi, cyangwa? arasaba avuga gute?

.

Inkuru ya Navio kki dabble le, mbahaye ikaze.

.

Mugutangira, Dutangire Papa wa Kevlar, watashye ahamagara cyane Kevlar, Kevlar, Kevlar nawe kubmwutaba akimugera imbere, Yahise akubitwa urushyi rwihuse, Kevlar yikangamo, se yari yarakaye cyane bitavugwa. Kevlar ati:" papa,bakoze iki ko uri kunkubita?"

papa Kevlar ati:" uyobewe ikibazo dufite? mbega urashaka ko mfungwa?"

Kevlar ati:" Papa Ibyo se wabikuye he? njye urumva n'afata umwanya wanjye jya gushyira Wowe mubibazo?"

Papa Kevlar ati:" Uzi uwo Bosco Ari kurega ushaka gufasha? Bosco uramujyana m'urukiko, uradutsinda, Kandi nadutsinda, turafungwa. ubu tuvugana, Papa Scovis yamaze gutabwa muri yombi, ninjye ukurikiraho cyangwa John, rero n'ukomeza kujya muri byo ntayindi uba ushaka, uretse kudufugisha, no kudusenya Burundu. ntacyindi Bosco ashaka uretse kugukoresha nk'umutanga bohamya."

Kevlar yarabyumvishe, birangira agiye kuryama, gusa arinako atekereza cyane, uwo mwanya agatotsi kuramufata, atangira kurira, se na Emera baziritse umugozi umwe, bahagaze kumukingo, akoma agati gato Bose bagwa mu mpamya barapfa. yarikanze, ashigukira hejuru, afite ubwoba ndetse, azenga n'amarira, bituma area adasinziriye, burinda bucya.

.

.

Mu gitondo, Kevlar yabyutse afite umutima uhagaze. Ibyo yari yiboneye byaramuhungabanyije cyane. Yumvaga ko agomba gukemura ikibazo cy’inshuti ye Bosco, ariko kandi yasobanukiwe ko Bosco arega se.

.

nkuko byari bisanzwe, Kevlar yabyutse ahamagara Emera, baganira ku rukundo rwabo ndetse n’icyo bakora mu bihe biri imbere. Ariko kandi, ibyo yari yarose byakomeje kumubuza amahoro. Yari yarose ibisa nkaho ashaka guhirika se hasi kandi n'umukunzi we aka genders ko. yabisanishije nk'uri mu rukiko, aharanira gufasha Bosco mu rubanza, ariko akaza gusanga Bosco ari kurega se. Byamuteye ubwoba n’urwikekwe, bimutera gutekereza cyane ku cyo gukora. yakomeje kuganira na Emera, ati: "Emera, nagize inzozi zidasanzwe. Numvaga nkeneye gufasha Bosco, ariko nkabona ko byatuma mpangana na data."

Emera yaramwumvise, amugira inama: "Kevlar, urukundo n’inshuti ni ingenzi, ariko kandi umuryango wawe nawo ufite agaciro. Ugomba kubanza kureba icyo umutima wawe ukubwira."

.

Kevlar yagiye kureba Bosco ngo baganire ku rubanza. Agezeyo, Bosco yamusobanuriye ko afite ibimenyetso bihagije byo gutsinda urubanza, ariko ko akeneye ubufasha bwa Kevlar. Kevlar yumvise uburemere bw’ikibazo, ariko yibuka inzozi yari yarose.

Kevlar: "Bosco, nyumva. Ndagukunda kandi ndashaka kugufasha, ariko nanone ntabwo nashobora kurwana na data. Ibyo byakwangiza umuryango wanjye."

Bosco yararakaye, ariko yagerageje kwihangana: "Kevlar, ndumva impamvu zawe. Nari nzi ko nshobora kukwishingikirizaho, ariko nyumvira uramindutse. Nzashaka undi muntu umpa ubufasha."

Kevlar yagiye afite umutima uremerewe. Yashakaga gufasha Bosco, ariko kandi kumva ko ibyo ari gukora byatuma ahangana na se, byamushenguraga umutima. Yifuje ko byibuze Bosco yashaka undi muntu umufasha.

Igihe cyari kigeze ngo asubire iwabo, ariko atarabona igisubizo gihamye. Yafashe umwanzuro wo kuganira na se ku kibazo cya Bosco. Yasubiye mu rugo, yicara mu cyumba na se.

Kevlar: "Papa, hari ikibazo nifuje kuganira nawe ho. Inshuti yanjye Bosco afite ikibazo gikomeye kandi akeneye ubufasha bwanjye mu rubanza."

Se: "Kevlar, nzi ko Bosco afite ikibazo, ariko kumufasha kwawe bishobora gutuma uhura n'ikibazo gikomeye. Inshuti ni ingenzi, ariko umuryango wawe nawo ugomba kuwutekereza ho. hitamo niba arinjye ugomba gushyira mubibazo, cyangwa ukamureka ikirwana ho."

Kevlar ati :" papa, Bosco Ariko afite ikimenyetso bigaragara, kuba mwaramunyaganyije imigabane ye, biragaragara."

Se ati:" Ibyo situbiyobewe, niyo mpamvu ukwiye kumurwka akazerekana Ibyo bimenyetso bye. uranyumva. natwe dufite Ibyo tuzamwereka kuko twabikoze twabyizeho. bivemo rero "

Kevlar yatekereje ku byo se amubwiye, asanga afite ukuri. Yafashe icyemezo cyo guhamagara Bosco, amusaba imbabazi ku bw'uko adashobora kumufasha mu kibazo cy’amategeko.

Kevlar: "Bosco, ndabizi ko watekerezaga ko nakubera umufasha. Ariko ndumva ntashobora kwitambika mu kibazo cyawe, kubera ko papa ari we uregwa. Ndakwinginze umbabarire, kandi nshobora kugushakira undi muntu ugufasha."

Bosco yaremeye, n'ubwo byari bigoye. Kevlar yumvise ko atsinze urugamba rutoroshye, aruhuka umutima. Yahise afata icyemezo cyo gukomeza gufasha Emera no kubaka ubushuti bwabo.

.

.

Ku rundi ruhande, Scovis nawe yari afite ibibazo gikomeye. Yari akibaza ku byo yakoze, kandi yumvaga ko agomba kubishakira igisubizo. yibazaga niba yasaba imbabazi Emera, cyangwa niba yakongera kuvugisha Kevlar, neza isoni ziramufata, yumva Kevlar niyo yashwana na Emera, ntiyamukunda kuko yagaragaje igeso itajyanye n'ubwiza bwe. amarira yamubanye menshi, ararira, y ibuka ko afite undi umukunda. yabyutse ajya  kureba Samu, amusaba imbabazi ku ko yamwimaga umwanya, nyamara yarawukwiriye.

Scovis: "Samu, ndabona ko nakosheje. Ndakwinginze umbabarire, kandi tuzashaka uko twakomeza ubucuti bwacu."

Samu yaramwumvise, aramubwira ati: "Sco, ndakumva kandi ndagukunda. kuri Wowe ntakosa nakubaraho,ahubwo njye  ni njye wihemukiye wo gukunda urudashoboka."

.

.

Kevlar na Emera bakomeje kubaka urukundo rwabo, ndetse Kevlar agerageza kwibagirwa inzozi z'agahinda yari yarose. Bosco yagiye mu rukiko arwana wenyine, ariko Kevlar yagerageje kumushakira undi muntu wamufasha. Bosco yatsinze urubanza, n'ubwo bitari byoroshye, ariko yabonye uburenganzira bwe, bituma uruganda rutezwa rushyirwa mu biganza bye. urwahoze ruri mu maboko ya se wa Kevlar byarangiye rubaye urwa Bosco.  Kevlar yishimiye ko atsinze Ariko ntaruhare abigize mo.

Mu mpera z’iyo minsi, Kevlar yasobanukiwe ko n'ubwo inzozi ze zari zimubereye ikigeragezo, byamufashije kumva neza ko umuryango ukeneye gushyirwa imbere kandi n'inshuti zigomba gukundwa no gufashwa, mu bundi buryo utabangamiye umuryango.

.

Kevlar yatekereje ko yajya kureba Bosco kugira ngo baganire ku byabaye. Yageze kwa Bosco, amusanga mu rugo, bakomeza kuganira.

Kevlar: "Bosco, nishimiye ko watsinze urubanza rwawe. Nari mfite impungenge ko utazabishobora."

Bosco: "Urakoze, Kevlar. Nubwo utashoboye kumbera umufasha, numva nshimira kuba waranyumvise. Byaranshimishije kubona ko hari abandi bantu bashoboye kumfasha."

Kevlar yaremye umubano mushya na Bosco, kandi ibyo byamuhaye amahoro mu mutima. Yishimiye ko ibintu byose byagenze neza, kandi akomeza gusubiza amaso inyuma, yibuka inzozi yari yarose.

Muri icyo gihe, Scovis nawe yari ari mu nzira yo guhinduka. Yari yarasobanukiwe ko uburyo yari yarakoresheje bwo gushaka gukundwa na Kevlar bwari bubi, kandi ko agomba kubaho mu buzima butandukanye. Yiyemeje kuganira na Samu, bakubaka umubano mwiza.

Scovis: "Samu, ndabizi ko nakosheje, kandi nifuza ko twabana neza, tukiyubaka nk’inshuti z'ukuri."

Samu: "Nanjye ndabikunze, Scovis. Tugomba kubaka umubano uhamye kandi wubakiye ku rukundo rw'ukuri."

Mu gihe gito, Kevlar na Emera bagiye gutembera, baganira ku buryo ubuzima bwabo bw'ejo hazaza. Emera yari yishimiye uburyo Kevlar yitwaye mu bihe bikomeye, kandi ibyo byamuhaye icyizere cy'uko urukundo rwabo rufite intego y'igihe kirekire.

Emera: "Kevlar, ndabizi ko wagiye mu bibazo byinshi kubera njye. Ariko ndashimira uko witwaye mu bihe bikomeye."

Kevlar: "Emera, urukundo rwacu ni ingenzi kuri njye. Nzi ko ibihe bikomeye bizahora bibaho, ariko ndizera ko tuzabicamo dufatanyije. ese warakariye Scovis?

Emera yasetse mo, Ati:" ndabizi ko nawe agukunda, niyo mpamvu ntamurakarira. nishyize mu cyimbo cye  nisanga Nanjye ndi we nabikora. Urukundo ni rubi Sherie, nawe itabikora."

.

.

Bagiye ku nkombe z'uruzi, bicara bareba izuba rirenga. Kevlar yakomeje guhamya urukundo rwe kuri Emera, ndetse biyemeza ko bazubaka umuryango uhamye, urimo urukundo n'ubwumvikane.

Mu gihe gito, umuryango wa Kevlar watangiye kubona impinduka nziza. Yari yarahisemo kuganira na se ku byerekeye ubucuruzi, akaza bagafatanya uruganda, dore ko urwari urwe, Bosco yari yarutsindiye, kandi bagasangira ibitekerezo byubaka. Se wa Kevlar yishimiye kubona umuhungu we afite intego nziza mu buzima.

Se: "Kevlar, ndabona uri kugenda ukura neza kandi utekereza ku byo wifuza kugeraho. Ibyo biranshimisha cyane."

Kevlar: "Papa, ndashimira inama zawe. Nize ko umuryango ari ingenzi kandi ko inshuti nazo zigomba gushyirwa imbere."

Uko iminsi yicumaga,  kuri buri ruhande, yaba Kevlar na Emera, cyangwa Bosco, na Scovis bakomeje kubaka ubuzima bwabo, bafite intego zo kugera ku ndoto zabo. Urukundo rwabo rwarakomeye, kandi ibyo byatumye bagira ubuzima bushimishije.

.

.

Nyuma y'uko imibanire ya Kevlar na Emera ihamye, n'ubucuruzi bwa Kevlar na se bukagenda neza, ibintu byatangiye kuzamba. Scovis, wari wiyemeje kwiyubaka no kugira ingaruka nziza ku muryango we, yashinze ikinyamakuru gikomeye.

Ikinyamakuru cya Scovis, new talents stories, cyaje kuba kimwe mu bikunzwe cyane mu gihugu, kubera inkuru zacyo zisekeje, iz'imikino, n'iz'amakuru yihariye. Kubera ubushake bwe bwo gukora neza, Scovis yabaye icyamamare mu itangazamakuru.

Icyakora, ntibyatinze, ibintu bihindura isura. Scovis yakiriye amakuru amwereka ko uruganda rwa Kevlar na se rukora imyenda ifite inenge. Yashatse kumenya neza iby'ayo makuru, maze akora iperereza ryimbitse.

Inkuru Scovis yanditse yagaragaje ko uruganda rwa Kevlar rukoresha ibikoresho bidafite ubuziranenge, bigatuma imyenda ikorwa ifite inenge. Ikinyamakuru cya Scovis cyanditse inkuru ishyushye, itunga agatoki uruganda rwa Kevlar, KEEP MEJA.

M'unyandiko yaguzwe Kandi igasomwa cyane, ikinyamakuru cya Scovis giti:"  "Nk'itangazamakuru, tugomba kuvuga ukuri uko kuri kose. Ntabwo nzihanganira kubona abantu bagura imyenda ifite inenge, kandi nzakora uko nshoboye ngo ibi bihagarare. uruganda benshi bakunze kwita isoko y'imideri, byagaragaye ko turi gusohora imyenda utujuje ubuzira nenge, ndetse ko bishoboka ko byaba isoko y'indwara z'uruhu. ese rurakomeza twambare, ibyatwicira ubuzima? "

Iyi nkuru yateje urujijo n'amakimbirane menshi mu muryango wa Kevlar. Abakiriya b'uruganda batangiye kwigendera, ibikorwa birahagarara, maze ibintu birushaho kuba bibi. Kevlar yararakaye cyane kubera inkuru ya Scovis.

Kevlar ntibyatinze yaje kubiro bya Scovis, mu burakari ati:" Scovis, ntabwo nari nzi ko ushobora kunkorera ibi. Kubera iki wahisemo kwandika inkuru itesha agaciro uruganda rwacu?"

Scovis: "Kevlar, nzi ko uri inshuti yanjye, ariko nk'umunyamakuru, ngomba kuvuga ukuri. Ni ngombwa ko abantu bamenya ko imyenda uruganda rwanyu rukora ifite ikibazo."

Kevlar yakomeje kugerageza gusobanura ko uruganda rwabo ruri gukora ibishoboka byose ngo rukore imyenda ifite ubuziranenge, ariko ibihuha byakwirakwijwe byari bimaze kugira ingaruka zikomeye.

Icyakora, ikibazo nticyarangiriye aho, kuko ntibyatinze Se wa Kevlar  nawe yatawe muri yombi kubera ikirego uruganda rwahoze ari urwe rwaregwaga kunyereza imisoro, maze arafungwa. Ibyo byasize Kevlar ari wenyine mu bucuruzi, bikomeza kumugiraho ingaruka mbi, bikubitiraho n'amakuru yari yashyizwe hanze na Scovis n'ikinyamakuru cye.

.

.

Emera yahumurije Kevlar mu bihe bikomeye, amwizeza ko bazabivamo bafite intego yo kwerekana ko uruganda rwabo rukora neza.

Emera: "Kevlar, ndabizi ko ibi bihe bikomeye. Ariko tuzashobora kubivamo, kandi nzakomeza kuba hafi yawe."

Kevlar: "Emera, nshimira cyane uko ungirira icyizere. Tuzakomeza kurwana kugira ngo twerekane ukuri."

Kevlar yafashe icyemezo cyo gukora ibishoboka byose ngo agarure icyizere cy'abakiriya, afatanya n'abakozi be kugenzura neza imyenda yose bakora, kandi bagakoresha ibikoresho bifite ubuziranenge. Yashatse uburyo bwo gukorana n'abafatanyabikorwa bashya kugira ngo uruganda rwe rwongere kwemerwa.

Mu gihe gito, abantu batangiye kubona ko uruganda rwa Kevlar rwahindutse, kandi rwongeye gukora imyenda ifite ubuziranenge. Abakiriya batangiye gusubira ku ruganda, ibintu birushaho kuba byiza.

Kevlar yakomeje gukora cyane, afatanyije na Emera, maze uruganda rwabo rugaruka ku murongo. Kevlar yigishijwe n'ibihe bikomeye, maze ahindura uburyo bwo kuyobora, yibanda ku gukora ibintu bifite ubuziranenge akabyemeza abanje kubisizuma ubwe, no gushyira imbere icyizere cy'abakiriya. ibi byongeye kurakaza Kandi bibangamira Scovis.

ibi ntibyatinze ikinyamakuru cya Scovis new talents stories group, cyanditse indI nkuru, yakanze cyane 

Kevlar akiyibona..................................

...................

.......................... loading episode 11

 .

ehe! iyo nkuru yo uravuga iki?

ese ibi byaba ariyo turufu Scovis ashaka gukoresha ngo tegukane umutima was Kevlar? papa wa Kevlar arafunzwe kimwe na Papa Scovis, bo bazarekurwa? ni aha dusubikiye Igice cy'uyu munsi, dusubire ibutaha. ushaka kuyigura nyura kuri application yacu.

.

|::::::::::::::::::::::::::::-navio-nv-::::::::::::::::::::::::|