IKAMBA RY'AMARIRA S01 Ep 5

Duheruka Gasore amaze kumenya ko Umwami agiye kumwohereza gushaka icumu Ryabuze. ese arajyayo? najyayo biragenda gute?

.

inkuru ya Navio kki dabble le, mbahaye ikaze.

.

Mugutangira, Gasore yiteguye urugendo rwari imbere ye, rwuzuyemo impungenge. Ku mutima we, yari azi neza ko urukundo rwa Mutesi ari rwo rwamufasha gukomera. Nubwo yari agifite ibibazo byinshi ku rupfu rw’ababyeyi be, yifuzaga kumenya ukuri, ariko agifite icyizere.

Ku munsi wo gutangira urugendo, ingoro y'umwami yari yuzuyemo umwuka w'ibyishimo n'ibyiringiro. Abantu bose bari bazindutse kureba Gasore, umusore w'inyangamugayo kandi wiyemeje kugirira igihugu akamaro, akagarura icumu Ryabuze rikomeye. Umwami Rugira, yari ahagaze ku ibaraza, arangwa no kwishimira ko Gasore agiye mu ishyamba. yahamagaye Gasore, maze batangira kuganira.

"Gasore," Umwami yatangiye, ijwi rye rituje ariko ririmo ubukana, "ni byiza ko wemeye kujya gushaka icumu ryabuze. Ni ikimenyetso cy'ubutwari no gukunda igihugu."

Gasore yaramwenyuye gahoro, ariko umutima we wari uremerewe. Ariko yabonye ko Umwami Rugira  amwishimiye. Yarakomeje, ati: "Nyagasani, nizeye ko nzabasha gushaka no kugarura iryo cumu. Ni inshingano zanjye ku bwami n'igihugu cyacu."

Mutesi yari ahagaze iruhande rwa Gasore, yiteguye kumusezera. yarimo azenga amarira. Yaramwegereye, maze aramubwira ati, "Gasore, uzitware neza kandi uzagaruke amahoro. Nzahora nkutegereje, kandi urukundo rwanjye ruzahore rugukomeza."

Gasore yamusubije amuhobera cyane, amarira amushoka ku matama. Ati: "Mutesi, nzakomeza guharanira urukundo rwacu, kandi ndabizi ko Imana izandinda nkagaruka amahoro, ibijyanye nyizanye." Mutesi yajuguje umutwe amwemerera, agahinda k'umutima Kari kose. barahoberanye, baragundirana, barafatana cyane, bombi bârira.

Urugendo rwaratangiye, Gasore agenda arangwa no kwitonda no gukomeza umutima. Yari azi neza ko ishyamba agiyemo rifite ibibazo byinshi, kandi ko umwami ashobora kuba afite impamvu zihishe inyuma yo kumwohereza yo.

---

Mu ishyamba ry'inzitane, Gasore yageze ahantu haterereye, hirya no hino harangwa n'ibiti binini n'ibyatsi by’urwuri rwinshi. Yari agifite umujinya ku byo umwami yari yamubwiye, ku rupfu rw’ababyeyi be.

Gasore yagendaga yitondeye umutekano we, arwana no kumenya uko yazashaka icumu ryabuze. Mu nzira ze, yahuye n’ibikoko binini, ariko ubushobozi bwe n'ubutwari byamufashaga guhangana nabyo. Ubushobozi bwe bwo guhangana n'ibi bikoko byatumye akomeza urugendo rwe, nubwo hari impungenge nyinshi.

---

Ijoro ryarageze, Gasore akomeza gushakisha ahantu ho kuruhukira. Yari yarushye cyane, ariko umutima we ntiwatezuka ku ntego ye. Akiri mu 'ishyamba, yasanze ahantu hatuje cyane maze araryama kugira ngo aruhuke.

Ari muri iryo shyamba, Gasore yagize inzozi zidasanzwe. Mu nzozi ze, yabonaga ababyeyi be bamuhamagara, bamusaba gukomeza urugamba rwo gushaka ukuri. Yakangutse atunguwe, ariko yahise yumva ko ari ikimenyetso cy'uburyo agomba gukomeza urugendo rwe.

---

Mu gitondo, Gasore yakomeje urugendo rwe, arangamiye ikimenyetso cy'aho icumu ryaba riri. Yasatiriye ahantu h'ibamba, ahantu hatarimo ikintu na kimwe, ariko harimo ikimenyetso kimeze nk'icumu. Yacyetse ko ageze ahari icumu.

Mu gihe yahindukiraga, aho yashakishaga, yabonye umusaza wari mo uza amusanga. Uwo musaza yamurebye, maze aramubwira ati, "musore, uri mu nzira nziza. Nzi impamvu uri hano, kandi nzi ko uzagera ku ntego yawe. Ariko ugomba kwitonda, kuko hari abashaka kukubuza kugera ku ntego yawe."

Gasore yahise amubaza Ati:" Uzi Icyo nshaka?"

umusaza Ati:" benshi bagerageza kuza aha, baba bashaka icumu. rero Wowe ndabona uzaribona."

Gasore yamurebye, atangazwa n'ubuhanga bw'uwo musaza. Ati: "niba uzi iby’icumu, ndagusabye umbwire aho riri. Nkeneye kugera ku ntego yanjye, n’ubwo ibyo byose biri mu nzira ikomeye."

Umusaza yaramwenyuye, maze amwereka inzira agomba gukurikira. Gasore yagiye yihuta, ariko atarinze kureba impande ze.

---

Mu gihe Gasore yari amaze amasaha menshi agenda mu ishyamba, yahuye n'indwanyi nyinshi z'inyeshyamba zari ziteguye urugamba. Abamusanze bari bafite intwaro zikomeye, harimo inkota nini. Bamwituye ho, baramwirukankana, bakomeza kugeza aho basanze ifarasi ye. yarahagaze, afata inkota ye,

Indwanyi zitangira kumurwanya ni inkota, Gasore nawe yagerageje kwirwanaho, ariko ntibyari byoroshye. Yarwanye uko ashoboye, ariko ubwinshi bwabo n'imbaraga zabo byatumye atabasha kubatsinda. Bishe ifarasi ye, barayica.

---

Gasore yari yarushye kandi yakomeretse cyane, ariko umutima we ntiwatezuka ku rugamba rwe. Yarimo yibaza uko azagera ku ntego ye n'uko azamenya ukuri ku rupfu rw'ababyeyi be, ndetse amubaza niba azabona icumu. Indwanyi z'inyeshyamba zamusize aho mu ishyamba, ariko Gasore yakomeje kugira icyizere ko azabasha kwigobotora. yasigaye aryamye hasi.

---

Gasore, yaje guhaguruka akomeza kugenda mu ishyamba n'amaguru nyuma yo guta ifarasi ye. N'ubwo yari yarushye cyane kandi yakomeretse, umutima we wakomezaga kwibanda ku ntego ye yo kubona icumu no kumenya ukuri ku rupfu rw'ababyeyi be. Ku bw'amahirwe, yageze ku kabande gato kari gafite amazi asukuye, arahicara agira ngo yisukure kandi yikuremo umunaniro.

Yatekerezaga ku byo umusaza bahuye  yamubwiye, ari nako atekereza uburyo inyeshyamba zaje kumurwanya. N'ubwo yari azi neza ko yahuye n'ingorane nyinshi, yifuzaga gukomeza urugendo rwe.

Mu kanya gato, Gasore yumvise ikintu kiza kimwegereye. Yari ari mu ishyamba, ariko aziko ari wenyine. Yarebye impande zose, maze abona umuntu uteye ubwoba, afite icyuma kinini. Gasore yabonye ko uwo muntu yarari muri zanyeshyamba.

"Uraho musore," uwo muntu yamubwiye, ijwi rye ririmo ubukana, "nari nzi ko uzagera aha. giye kukwereka inzira ikomeza urugendo rwawe, ariko ugomba kunyizera."

Gasore yatinye gato, ariko yamenye ko nta yandi mahitamo yari afite. Uwo muntu yamuyoboye inzira imwerekeza mu ishyamba rikurikiraho, ariko Gasore yari yiteguye icyamubaho cyose.

---

kuruhande muri Panama,

Mu ngoro y'umwami, Mutesi yari yicaye mu cyumba cye, aganira n'umuja we, Ingabire. Uko amanywa yagiye atambuka, umutima wa Mutesi wakomezaga guhangayikishwa n'ibibazo bye na Gasore.

"Mutesi, ubona Gasore azabasha kugaruka amahoro?" Ingabire yamubajije, ijwi rye ririmo ubwoba.

Mutesi yarebye hanze y'idirishya, aramusubiza ati: "Ingabire, nzi ko Gasore ari intwari kandi akunda igihugu. Nzi ko Imana izamurinda kandi akagaruka amahoro. Ariko mfite impungenge z'uko ishyamba rizamugora cyane."

Ingabire yaramwegereye, amufata ukuboko, ati: "Nanjye ndabizi ko Gasore azabasha guhangana n'ibibazo byose ahura nabyo. Ariko n'ibwami ibintu ntibisobanutse. Umwami nyiricyubahiro yakoze nabi, hari ibanga rikomeye ashaka guhisha. umbarire Wenda mvuze nabi, ariko rwose ahemukiye Gasore."

Mutesi yashyize akaboko ku gituza cye, yatekereza ku byavuzwe n'umuja we. Yari azi neza ko hari ibanga rikomeye rihishe mu rugendo rwa Gasore, kandi ko Umwami Rugira ashobora kuba afite uruhare runini mu byabaye.

---

kuri Gasore we, yari mu nzira igana aho icumu ryashakishwaga. N'ubwo yari yakomeretse cyane, yari yiteguye gukomeza urugendo rwe no kugera ku ntego ye. Mu ishyamba yari yinjiye mo, yahuye n'ibintu byinshi bitunguranye, ariko akomeza ubutwari, n'ubushacye bye. byamufashije gukomeza.

Ari mu nzira, Gasore yibutse inama y'umusaza yari yamuhaye. Yari yiteguye guhangana n'ibibazo byose, kandi yari afite icyizere ko azagera ku ntego ye.

---

Muri icyo gihe, Mutesi we yari akomeje kwibaza ku rugendo rwa Gasore. Ingabire yamwegereye, amuha inama zo gukomeza kugira icyizere no gusenga Imana.

"Mutesi," Ingabire yaramubwiye, Ati: "nzi neza ko urukundo rwawe na Gasore ruzatuma mukomeza gukomera no kugera ku ntego zanyu. Ndabizi ko uzakomeza gutegereza, kandi Imana izabana nawe."

Mutesi yashyize umutima hamwe, ahitamo gukomeza kugira icyizere. Yari azi neza ko urugendo rwa Gasore ari ingenzi cyane, kandi ko azakomeza guharanira kugera ku ntego ye no kumenya ukuri. 

---

Gasore yakomeje urugendo rwe mu ishyamba, yihanganira ibikomere bye ndetse n'ubutaka bugoye. Yabashije kugera ahantu hari amaterasi ateye neza, kandi akabaza abaturage baho aho yashoboraga kubona icumu yashakaga.

Mu gihe Gasore yendaga kugera ku mugambi we, ibwami muri Mirindi ibintu byari byifashe ukundi. Umwami wa Mirindi, Kigeri, yari mu nama ikomeye mu ngoro ye. Aho yari kumwe na bamwe mu bajyanama be b'inkoramutima ndetse na Rugango, umugaba w'ingabo z'ubwami bwa Panama, wahungiye muri Mirindi nyuma y'uko atumvikanye n'umwami w'iwabo, ubu yari taragizwe umugaba w'ingabo z'ubwami bwa Mirindi.

Umwami Kigeri yicaye ku ntebe ye y'ubwami, ashyira ibiganza ku meza, maze atangira kuvuga n'ijwi riranguruye, “Nimunyumve neza, tugomba gutera Panama. Kandi ntabwo tugomba gutsindwa nanone nigihugu gifite ubutaka buteye imbere, kandi kigira n'amabuye y'agaciro menshi.”

Rugango, wicaye iruhande rw'umwami, yahise amusubiza, ati, “Mwami wanjye, nzi neza uburyo tugomba gutera Panama. Ingabo zabo ni nkeya kandi ntizikomeye nkizacu. Nubwo natumvikanye na bo, nzi neza aho twaca kugira ngo tubatsinde bitagoranye.”

Umwami Kigeri yishimiye ibyo Rugango yavuze, ariko yaramubajije, ati“Rugango, ese ufite icyizere ko nta bibazo bizaduka mu ngabo zacu igihe tuzaba turi mu rugamba?”

Rugango yarahagurutse, afata umuheto n'icumu maze yerekana uko bakwiriye kugaba igitero. “Mwami wanjye, dufite ingabo nyinshi kandi zihagaze neza. Tuzakora ku buryo duca mu bice bitandukanye bya Panama, dufate igice kimwe ku kindi kugeza ubwo tuzafata igihugu cyose.”

Abo bari kumwe bose bumvise neza umugambi wa Rugango, baramushimira, kandi bashima Umwami Kigeri kuba yaragize igitekerezo cyo gutera Panama.

---

Mu gihe hari umugambi wo gutera Panama, Mutesi yari akomeje kuganira n'umuja we, Ingabire, ku by'ibwami. Ingabire yamubwiye ku bibazo bihari no ku byabaye kuri Gasore.

"Mutesi, ese umwami Rugira yigeze akubwira icyo yagendeye ho, yoherezwa ku rugendo Gasore?" Ingabire yamubajije, amureba mu maso.

Mutesi yahise asubiza, Ati:"Ingabire, umwami ntashaka ko Gasore ntacyo yabwiye, ariko nanjye mfite impungenge ko azagerwaho n'ibyago byinshi. Nzi neza ko urugendo rwe rwose rutazoroha."

Ingabire yamufashe ukuboko, aramwihanganisha, "Mutesi, nzi neza ko Gasore azabasha kwikura mu bibazo byose ahura nabyo. ukomeze rero umusengere "

---

Gasore yari mu nzira, yitegura gukomeza urugendo rwe. N'ubwo yari yarushye cyane, umutima we wakomezaga guharanira kugera ku ntego ye. Mu masaha y'ijoro, yageragezaga gushaka aho aruhukira, ariko agakomeza no kwitegura guhura n'ibibazo byose bishoboka.

---

Mutesi yakomeje kuganira n’umuja we Ingabire, ariko umutima we uguma kwibaza byinshi kuri Gasore. Nyuma y'icyumweru kimwe, yabonye ko agomba kuganira na musaza we Karangwa ku cyemezo se yafatiye Gasore. Karangwa yari musaza we w'inkoramutima, kandi yamwumvishaga iby'ubuzima bw'ibwami.Mutesi yagiye kureba musaza we Karangwa, amubwira uko ameze. Karangwa yari mu busitani bwe, yicaye ku ntebe y'ibiti, yitegereza ibimera byaho."Musaza wanjye, ndakeka ko hari ikintu gikomeye tugomba kuganiraho," Mutesi yatangiye, yicara iruhande rwe."Ni iki Mutesi? Mbwira ibyo biguteye impungenge," Karangwa yasubije, amureba mu maso.

"Ni Gasore. data, yafashe icyemezo cyo kumwohereza mu rugendo rukomeye, kandi nzi ko afite ibyago byinshi n'ibibazo bikomeye," 

Mutesi yabisobanuye, ijwi rye ryuzuye impungenge.

Karangwa yahise atekereza, areba hirya no hino, maze aramubwira, "Mutesi, papa wacu akunda kuba afite imyanzuro ikomeye, kandi akenshi ntitwumva neza impamvu zayo. Ariko niba dushaka gufasha Gasore, tugomba kumugirira icyizere no kumusabira umugisha."

Mutesi yishimiye ukuntu Karangwa yatekereje, ariko arongera ati, "Musaza wanjye, ndumva nkeneye kumenya niba hari icyo twakora kugira ngo tumurinde cyangwa tumufashe mu buryo ubwo ari bwo bwose."

Karangwa yarebye mushiki we Mutesi mu maso, aramuhumuriza, "Nta kibazo, Mutesi. Tuzakora uko dushoboye kugira ngo tumurinde. Ndizera ko Imana izamurinda kandi ikamufasha kugera ku ntego ye."

.

.

Mu bwami bwa Mirindi, Umwami Kigeri yakomeje gucunga uburyo bwo gutera Panama. Uko igihe cyagendaga gishira, umugambi wo gutera Panama wagiye ushyirwa mu bikorwa neza, ingabo za Kigeri zikagenda zitegura urugamba.

.

.

Mu rukerera, urusaku rw’inkota n’amahiri rwumvikanaga mu ngoro ya Mirindi. Abasirikare bari mu myitozo ikomeye yo gutegura urugamba. Umwami Kigeri yari yicaye ku ntebe y'ubwami, areba uburyo ingabo ze zitegura urugamba. Rugango, umugaba w'ingabo, yari ahagaze imbere y'umwami, atanga amabwiriza ku basirikare.

"Ingabo zacu zigomba kuba ziteguye neza kandi zifite ubushobozi bwo guhangana n'umwanzi. Twese hamwe dufite inshingano yo kurinda ubwami bwa Mirindi no gutsinda Panama," Rugango yatangaje, ijwi rye rirenga urusaku rw’inkota.

Umwami Kigeri yarabyemeje, agira ati, "Ninde wigeze avuga ko intambara ari iy'ubwenge gusa? Nka Kigeri, ndifuza ko intambara yacu izaba urugero rw'ubushobozi bwo guhangana no gutsinda. Ntidufite umwanya wo gutsindwa."

Nubwo hari imbaraga nyinshi n’ishyaka ryo gutsinda, kuruhande ho, umutima wa Mutesi wari uziritse kuri Gasore. Mu gihe Rugango na Kigeri bateguraga urugamba rwo kuzabatera, Mutesi yari yicaye mu cyumba cye, yitekerereza ku musore yari yakunze.

---

"Karangwa, mbwira uko amakuru y’ubuzima bwa Gasore ameze," Mutesi yabajije musaza we amaze kuza kureba uko yifashe. Karangwa yari yohereje intasi ze ngo zimenye amakuru ku rugendo rwa Gasore.

"Mutesi, intasi zambwiye ko Gasore ari mu nzira ikomeye kandi ifite ibyago byinshi. Nubwo ari mu bibazo byinshi, kugeza ubu aracyari muzima kandi arakomeje urugendo rwe," Karangwa yamusubije, asa nkumubeshya kugirango Wenda utuze, yari yataye umutwe, bigaragara.

Ariko Mutesi ntabwo byamuhumurije rwose. ahubwo yahise amubwire ati"Karangwa, ndashaka kumenya byinshi. Ndashaka gukurikirana no gukuraho impungenge zanjye. Mbwira icyo tugomba gukora kugira ngo tumenye byinshi."

Karangwa yamwijeje ko azakomeza gukurikirana no kubona amakuru yose ajyanye n’urugendo rwa Gasore. Yari azi neza ko ibyo ari byo byonyine byashobora guhumuriza mushiki we.

---

Mu ngoro ya Mirindi, imyiteguro y’intambara yarakomezaga. Abasirikare bari mu myitozo ikomeye, bategura intwaro zabo n'uburyo bazakoresha mu kurwanya Panama. Umwami Kigeri yari yiteguye gutera Panama, afite icyizere cy’uko ingabo ze zizatsinda urugamba noneho.

Rugango yakomeje gutanga amabwiriza, avuga uburyo bazategura ingabo ku buryo bwo kugota Panama. "Tuzagota Panama  imbaraga zayo, tuzaba tuziruta. Tugomba kwitwararika cyane kugira ngo tudatsindwa."

Umwami Kigeri yari ahagaze, areba ingabo ze, n’umurava zari zifite, wabonaga mu maso yabo. Yari afite icyizere ko bazatsinda urugamba kandi bagatsinda Panama.

---

Ku rundi ruhande, Gasore yari akomeje urugendo rwe, ahangana n'abarwanyi b'inkota, ariko akomeza kugira icyizere cyo kugera ku ntego ye. Nubwo yari mu bibazo byinshi, umutima we ntiwigeze ushidikanya ku mugambi yari afite wo kumenya ukuri ku rupfu rw’ababyeyi be, ndetse no gucyura icumu.

Yakomeje inzira ye, ahura n'imbogamizi nyinshi, ariko ntiyacitse intege. Mu mutima we yari afite ikizere cyo kuzatsinda ibyamubayeho byose. Umutima we wari ufite intego yo kumenya ukuri no guhesha icyubahiro ababyeyi be n'ubwami bwe, Icyo atarazi ni uko bwendaga guterwa.

---

Gasore yakomeje urugendo rwe, anyura ahantu hateye ubwoba. Inzira yarimo acamo yari izitiwe n'ibiti birebire byiganjemo ibikomeye, ibintu byose byari bigoswe n'umwijima w'ijoro. Urumuri rw'ukwezi rwagumaga ruturuka hejuru, rukamurikira mu nzira ye gusa, ikirere cyose kirimo umwijima.

Mu gihe yakomezaga kwinjira mu ishyamba ry'inzitane, yumvise urusaku rw’inkota n’amacumu. Gasore ntiyigeze acika intege, yakomeje yiteguye icyo ari cyo cyose. Yahindukiraga buri kanya, areba hirya no hino, kugira ngo amenye niba hari umwanzi umuri hafi. Ariko, ibyo ntibyabashije kumukura umutima ku ntego ye yo kumenya ukuri.

Muri icyo gihe, muri Panama, Rugira yari yicaye mu ngoro ye, yatunguwe n'amakuru mabi yatanzwe n'intasi ze. Umusirikare w'intasi  yihuse yinjira mu ngoro, apfukama imbere y'umwami, Ati:

"Nyagasani Rugira," intasi yatangiye kuvuga, "dufite amakuru ko ubwami bwa Mirindi buteganya kugutera. Abasirikare bacu bakeneye kubimenyeshwa kandi imyiteguro igakorwa vuba na bwangu."

Umwami Rugira yarebye mu maso y'intasi, hagaragaza ko ashyize imbere umugambi wo kurinda ubwami bwe. "Ayo makuru ni ukuri? ntakibazo ndaje mbiganireho n'abandi,bisa nkaho umwami wa Mirindi, atumvise."

Rugira yitaye ku mibare y’ingabo ze, atekereza ku buryo bazahangana n’umwanzi. Yari azi ko urugamba rutazaba rworoshye, ariko yari afite icyizere cyo kurinda ubwami bwe. "Tugomba kwitegura neza. Tugomba kumenya icyo tugomba gukora kugira ngo turinde ubwami bwacu,"

iyo ntasi yarakomeje it:" "Nyagasani, tugomba gushyira ingabo zacu mu buryo bwiza bwo gukumira abanzi. Tugomba gushyira ibirindiro ku nkengero z'ubwami kugira ngo dukomeze umwanzi atatwinjira mo."

---

kuruhande Gasore yageze ahantu hateye ubwoba cyane. imbere ye, hari ubuvumo bunini burimo umwijima ukabije. Umwuka wari wuzuye urujijo, kandi urusaku rw'inuma rwasakurizaga mu imbere m'ubuvumo, ruteza ubwoba Gasore. N'ubwo yari intwari kandi yamenyereye intambara, yahise yumva ubwoba butashye umutima we.

Mu ngoro ya Panama, Rugira yakiriye amakuru atamushimishije. Byari amakuru ateye ubwoba, maze ahita yohereza intumwa ye kuzaba umuhungu we Karangwa. Mu gihe Karangwa yinjiraga mu ngoro, yahise abona ibimenyetso by'ikibazo kigaragara ku maso ya se.

"Karangwa," Rugira yatangiye kuganira, "hari ibintu bikomeye tugomba kuganiraho. Twabonye amakuru ko Mirindi yitegura kudutera, kandi hari impamvu nyinshi zatumye twohereza Gasore mu ishyamba. Icyo nifuza ni uko tugomba kumenya niba dufite ibikenewe byose kugira ngo turwanye Mirindi."

Karangwa yicaye imbere ya se, amuteze amatwi mu mutuzo. "Nyagasani, niba hari ikintu kidasobanutse, nditeguye kugufasha.urabizi Gasore umukuru w'ingabo z'ubwami ntawe uhari.kandi urabizi ko ariwe wadufashije ibushize."

Rugira yakomeje gucengera mu bitekerezo bye, agerageza gusobanukirwa neza impamvu nyinshi zatumye yohereza Gasore mu ishyamba. atangira kwicuza, ati"Gasore ni umuhungu Uzi kurwana, kandi nizeye ko yari buzadufashe gukemura ikibazo dufite. Gusa, nzi ko urugendo rwe ruzaba rutararangira."

.

kuruhande ho, Mu gihe ibyo byose biri kuba, Gasore we yari yiteguye kwinjira mu buvumo. Ijwi ry’umutima we ryamubwiraga ko ibintu byose bikomeye. Nubwo yari afite ubwoba, yakomeje kwiyumvamo ubushake bwo gukomeza urugendo. ubuvumo bwari buteye ubwoba, kuko ntiyabonaga Imbere aho yarimo ajya. Kandi amajwi yaturukaga mo nayo ubwayo yarateye ubwoba 

Yageze ku muryango w'ubuvumo, ahagarara gato, aritegereza, maze akomeza imbere atitira. Gasore yatangiye kwinjira mu buvumo, intambwe imwe imwe, afite ubwoba bwinshi ariko kandi yiteguye guhangana

 n'ikintu cyose......................................

-------------------

............................. loading episode...6

.

Ese Gasore azabasha guhangana n'ibizaza byose imbere mu buvumo? n'iki Kiri yo?

Ni izihe mpamvu z'ukuri zatumye Rugira yohereza Gasore mu ishyamba? Karangwa azagira  uruhe ruhare mu rugamba rwa Panama na Mirindi? ntuzacikwe 

---

|:::::::::::::::::::::::::-navio-nv-:::::::::::::::::::::::::::|