ITUNDA RY'ABUJIJWE EP24

_STEPHEN_

Icyumba cyanjye cyari kimurikiwe n’urumuri ruturuka ku kwezi. Sarah ari iruhande rwanjye araryamye

Nakuyemo umupira nsigarana training sinshaka kumutera ubwoba

Nahise nurira uburiri nuko ndyama iruhande rwe

Numvaga nshaka kumwegera nkamupfumbata ariko ndifata nguma hamwe. Nakomeje kureba uburyo ari guhumekamo, ukuntu umwuka uri gusohoka mu mazuru ye. Gussa nari mbizi ko adasinziriye nuko nza kubona ahindukiye arandeba nanjye ndamureba mu maso

Nyuma yubitse amaso buhoro andeba mu gituza, mbona arumye umunwa wo hepfo. Sinzi icyo bisobanura, ariko rwose binyishe ahantu

Nagerageje kumukora ku ijosi ngo nsuzume ko anyorohera mbona arandetse ariko namukoze ku ijosi mpita mbona asheshe urumeza, numva biranejeje jyewe.

Namukorakoye mu misatsi, nuko mukuramo ka fimbo yari yayizirikishije maze imisatsi ye nyikorakoramo neza.

Umupira wanjye yari yambaye wari wamubayeho munini ku buryo intugu zose zabonekaga, nuko nkomeza kwitegereza icyo kiremwa cyiza kiri imbere yanjye. Ubwiza afite ntibusanzwe, ndabona bigiye kundenga simbabeshye

Nabonye yandetse nuko ndamupfumbata ndamwiyegereza ku buryo ibituza byegeranye neza rwose

*Sarah:* Stephen..

Nkunda iyo ampamagaye mu izina rwose binkora ahandi hantu. Noneho ukuntu abivuga mu ijwi ryiza cyane, birushaho kumfata pee. 

Nahise mufata mu misaya nuko musoma ku gahanga, maze dukomeza guhuza imitwe, amazuru yegeranye

Twatangiye gusa n’abahumekera rimwe kandi iminwa yacu rwose yari yegeranye, ubanza na we ategereje ko mfata iya mbere nkamusoma ariko ndifata

Nakomeje kumureba gusa, nkanyuzamo nkayikozaho urutoki, bikagarukira aho ariko gusa.

Na we yageze aho aratinyuka nuko atangira kunkorakora mu gituza, anyuzanyuzamo intoki, akomeza amanuka agana ku nda ananyitegereza.

Uko yankorakoraga ni na ko yamanutse nuko numva ankoze ku mukondo maze asa n’uwunama anyegereye maze ansoma ku ngoto, numva ubushagarira bunyirukanse umubiri wose. Mbega umukobwa wee

Naramuretse akomeza akora ibyo ashaka nuko akomeza ansoma ku ijosi buhoro, ubanza ari kunshaka na we si gusa.

Nahise mufata neza ndamugarika nuko mujya hejuru ariko nishingikirije inkokora ngo ntamuturaho ibiro byanjye byose

Nahise musatira nuko mba mwegereje iminwa buhoro buhoro maze abanza kundeka ariko nyuma numva aranyoroheye na we arayimpa maze turasomana ndetse ndamwiyegereza cyane, nanyujije amaboko munsi y’umugongo, indimi zikomeza gusobekerana zisomana bidasanzwe. Byari biryoshye ku buryo utahaho umwana neza neza pee. 

Na we yahise amfata ibikanu arushaho kunyiyegereza nuko nsa n’umuruma umunwa wo hepfo, maze arataka buhoro mu kajwi karyoheye amatwi ariko nuko ndongera nsubiza ururimi iwe, na we akanyuzamo akazana urwe mu kanwa kanjye ubundi birakomera

Twakomeje ako gakino ko gusomana ari na ko mukorakora na we ankorakora bidasanzwe nuko ageze aho aransunika nanjye ndyama ngaramye iruhande rwe. 

Narahindukiye ndyama mureba, nuko akaguru kanjye nkarenza ake maze ntangira kumusoma ku rutugu, nkajya nsa n’uharuma buhoro ubundi nkakaragaho ururimi nk’uri kuhahoza nyuma yo kuhababaza, nkabona na we rwose byamuryoheye pee.

Nyuma naregutse nuko mukorakora ku itama, maze kumusoma mbona andebye indoro nziza cyane ikeye rwose

Nuko nanjye nkomeza kumukorakora buhoro nuko uko nakamufashe mu mayunguyungu ngenda nzamura ukuboko buhoro munsi y’umupira maze mukorakora ku nda, kandi namukoragaho ndi kumureba mu maso. 

Nategereje ko ansunika ariko mbona arandetse ubanza ashaka kureba aho nshaka kugera si gusa.

Namuzamuye agapira nuko nitegereza iyo nda ye nziza, mbega wee

Narunamye ngo mpasome nuko musomyeho numva asheshe urumeza. Nakomeje musoma ku nda na we azengurutsa amaboko ye ku ntugu zanjye.

Ubwo namusomaga ku mukondo, mu mukondo nako, ni igitega cyiza cyane, ni bwo nahise mbona ashigutse.

Yaranishye bidakabije numva binkoze ahantu bidasnzwe nuko nanjye numva ubushagarira burandenze neza neza.

Narekeye aho nuko ndamwiyegereza maze musoma ku gahanga. Nikije umutima

*Stephen:* ndumva ngushaka bidasanzwe ariko ntabwo nshaka kurenga hano

Nahise ndyama ngaramye maze mufata ukuboko ndamwiyegereza, maze andyama mu gituza nanjye mukorakora mu musatsi

*Sarah:* urakoze cyane.

Ntabwo nshaka kumufatirana, nzategereza. Igihe cyiza ndabizi kizagera, nzategereza nihanganye. Ndabizi umunsi umwe, uzaba uwanjye. 

**********

_SARAH_

Nakangutse ninanura numva neza neza iri joro sinzi uko ryari rimeze, gusa ryari ryiza cyane.

Narabyutse nuko mbona ku meza imbere y’uburiri ikirahure kirimo juice, umugati ku ruhande, mbega byiza wee. Ariko nteruye ikirahure nahise mbona agapapuro kari munsi yacyo.

*Igitondo cyiza Sarah. Nazindutse njya gukora stage. Uryoherwe*

Waouu. Numvise ibinezaneza byuzuye umutima wanjye. Nishimiye ijoro twamaranye rwose, ndetse nejejwe nuko yanyubashye ntamfatirane. Rwose ubu nta gushidikanya, Stephen aranshimisha.

*******

Hashize hafi iminota 10 mvuye kwa Stephen, ubu ndi imbere y’iwacu. Nizere ko ntasanga mama ahari. Ninjiye mu nzu nuko ntungurwa no gusanga David ari ho ari.

Yari yicaye ku ntebe, imbere ye hari laptop ahugiyeho. Ntiyigoye yubura umutwe ngo andebe, ari kunyirengagiza abishaka ndabizi

Sawa noneho. Nahise nanjye nikomereza ngana mu cyumba cyanjye. 

Nabanje kujya ku rubaraza gufata akuka nuko mfata itabi mba ntumuraho. Haracyari mu gitondo cyane, umuhanda nta bantu bawurimo, kandi akayaga ni keza.

Uko nanywaga itabi ni bwo nahise numva umuntu arinyambuye nuko ndebye mbona ni David

Yahise ampereza itasi y’icyayi, ndamwitegereza ntunguwe n’ibyo akoze nuko ndakira, ndamushimira

Nanyoyeho numva isukari irimo ni yayindi nkunda neza neza.

Namaze gusomaho nubura umutwe nuko murebye mbona ari kunywera itabi, ndatungurwa.

*Sarah:* unywa itabi kuva ryari?

Yari ari kureba imbere ye, kandi uburyo yanywagamo itabi, byari byiza kubireba.

*David:* sinibuka igihe natangiriye kurinywa

Nirinze kumureba umwanya nuko nkomeza kunywa icyayi anzaniye nitonze. 

*David:* umeze neza?

Ngo meze neza? Nanjye simbizi rwose niba meze neza cyangwa nabi.

Yarahindukiye arandeba ahereye hasi kugera hejuru. Yahise ahekenya amenyo. Ese ni ukubera ko nambaye imyenda ya Stephen? Byaba ari ugufuha ibyo ngibyo ku tuntu tw’amafuti rero.

Yandebye mu gituza, nuko mbona arahumirije azunguza umutwe

*David:* genda uhindure imyenda Sarah

Nagiye kwifata neza nibwo nahise nibuka yuko nta sutiye nambaye. Mana yanjyeee

Nta rindi jambo avuze, yahise asubira mu nzu. Nagumye aho meze nk’igiti, nuko numva afunguye imodoka ye arinjira maze numva arayakije aragenda. Ntiyanampepeye, ahubwo yagiye uko, nsigara nguye mu kantu. Ese kuki yari yaje hano wenyine? Ubu se ni ho yaraye cyangwa yaje bukeye? Byandwaniye mu mutwe, nta bisubizo mfite.

*_Ese uyu mukobwa babona koko azabakwira? Gusa Stephen yitwaye kigabo, ubanza iki gikosi ari we uzakijana. Agace ka 25 ntuzagacikwe_*

*