ISARO RYERA EP26

Mfite ikifuzo kimwe, kubabarirwa ibyaha, no guhindurirwa ubuzima, gukira ingaruka z'ibyaha no kubana n'umwuka wera. mana yo mu ijuru, wowe ugira urukundo ndakwiginze ugirire ibambe uhindure ubuzima bwacu twe twananiranye udukure muri ibi bibi mu izina rya Yesu amen!"

.

Duheruka Giana abajije Jack niba yemera kuza kumusura iwabo. ese koko Jack aremera agiyo cyangwa?

.

Story by Navio kki dable le, mbahaye ikaze.

.

@kubwo urukundo adukunda, niyo mpamvu twiringiye ko tuzakira, bitabaye kubwe, twe abana babantu twarimbuka, kuko ntakiza twifitiye."

.

.

Hashize iminsi ibiri nyuma yibyo, turi kumunsi wambere, ku ishuri Es Ruha. abanyeshuri bateraniye muri Lib ground. Delephine na Giana barengeranye, rwose bateze amatwi Del wabo. umumama mwiza cyane ari kubaganirira icyo nakwita nkinkuru, ati:" kera nyiri muto, ntakuri nagiraga, nari wa muntu ubeshya cyane ndetse ibibi kurusha ibindi. iyo Imana ubwayo itagira ibambe, nari kwitwa ikivumwe nkicwa nkarimbuka burundu."

inkuru yariteye amatsiko kuburyo bose bamwitegerezaga batenyeganyega, Del arakomeza ati:" mu miterere ya kamere muntu, ntanumwe wapfa gushyira hanze ibyabaye mu buzima bwe kuko aba yumva yasekwa noneho agasuzugurwa birenze."

Bose bateze amatwi barumva. yaba abarimu bagenzi be ndetse n'abanyeshuri ubwabo bari kumwumva batuje.

we arakomeza ati:" nari wamuntu wabaswe n'ikintu kitwa ubusambanyi, mbikora kandi ntacyo ninya. Imana yamahoro igira impuhwe, ubwayo niyo yandokoye mbasha kugera aho nshinga urugo. ariko narasegaga, bigezeho ndavuga ni mana kuko ntacyo ntakoze nkumwana w'umuntu, njye ndakwiyeguriye igikwiriye niba ari ukurimbuka undeke pfe, cyangwa niba arukunyiza unyize kubushacye bwawe, ariko byaba byiza uje vuba. mba mbwire mw'abantu mwe, gukora icyaha biraryoha ariko nyuma yabwo bikababaza. narasambanye nange ubwange ndiyoberwa. nasomaga kuri internet nkasanga iyo usambanye kenshi akarusho wikinisha bishobora kukuviramo kuba ingumba,kubura ububasha bwo gufata ibyemezo ndetso akarusho ukabura Imana muri wowe. byari byo koko, bundi ubusanzwe niko bigenda."

yakomeje kubaganirira, ageraho atangira kurira, gusa nyuma arakomeza ati:" Imana ishimwe cyane kuko ibyo bitambaye ho, kuko yanabaye vuba, ambeshaho, ubu mfite umuryango n'abana babiri."

bakomye mu mashyi, byasaga nkaho ari umukino bateguye, muri mashine ipima ukuri humvikanye ijwi riti:" ukuri nyako kubuzima bwe, ibyo yavuze byose nibyo."

Giana yahise amanika ukuboko, bamuha umwanya ajya imbere afata micro ati:" nonese Del, niba ikiremwa muntu gitinya gushyira hanze ukuri kwacyo, twe sibyaba iturufu ryacu?"

Bose bikirije rimwe, Del we ati:" ukaba wagirango bigende bite se Gia?"

Giana ati:" aho gushaka ibibazo bijyanye n'ubumenyi bwisi, twe twashyiraho ubumenyi bwamuntu. tugashaka ibibazo bijyanye n'imibereho y'umuntu kugiti cye. ntibimenyerewe, ariko byaba byiza."

Del ati:" ntakibazo rwose mu bitegure wa mugani, nibyo byaduhesha amanota."

Giana ati:" ibyo twateguye, twemerere tubikine tubikubaza hanyuma turebeko niba byashoboka."

Del ati:" njye nababwiza ukuri, ugasanga mu bonye zero."

Giana ati:" ntakibazo nitubona Zero tuyibone. kuko twe twizeye ibibazo byacu ntakabuza birakunda."

Del ati:" ntakibazo mu mbaze."

Giana ati:" mu twakirize imashine."

.

.

kurundi ruhande, kuri College ikirezi, ntibyatinze naho barateranye abagomba gukina umukino wa RQA bari kuganirizwa.

Egide yateye urutoki ati:" ese turamutse nkuko muvuga ngo dutegure ibibazo bitabura byanze bikunze, ugasanga bateguye ibindi bitari ibyo, nibyaba ikibazo? twatsirwa."

Chantal ati:" ariko Egid, ntiwibagirwe ko hari ibibazo bitaburamo. uko byagenda kose ntihabura ikibazo kigendanye na polotike, ubukungu, ubumenyi bw'isi, ndetse n'iyobokamana."

Egide ati:" bishobora kubura."

Chantal ati:" ntahantu biraba."

Jack ati:" ariko uko ariko kose umugani wa chantal, Es Ruha ntibajya kure yabiriya yavuze."

Grace ati:" ariko nanone mwitererana Egide, birashoboka ko babaza ibigendanye na Sosiyete."

Diane ati:" wowe impamvu umuvuganira turayizi."

bahise baseka, bombi byari bigoranya kumenya neza ku kintu mu mukino bazabazwaho. bakomeje guterana amagambo, Del nawe yari aho yumva ibyo bagenda bavuga, agenda yumva icyo yashingiraho bakaba ariho bahera bitegura."

Del yagezeho ati:" ndumva mu tangiye gusa nkaho mutongana. mwibuke bariya bantu tubarusha inota rimwe iryo rwose turamutse duhushije topic batubazaho, twakwisanga twatakaje amanota menshi. kandi mu menye neza ko yaba Ntagara na Menya bari inyuma yacu gato amanota atatu. dufite 11, Ruha ikagira 10 ntagara na menya bikagira 8. rero mwitonde, dutegure neza."

Egide ati:" nibyo nange ndikubabwira ariko, dushobora kwiringira icyo bazatubaza ho ugasanga sicyo."

Del bose yagiye abumva umwe umwe, bose arabaragiza nyuma ati:" uzi n'ikindi, buri wese, nafate urupapuro ategure ibibazo icumi yumva twabazwa ubundi abinzanire."

bose bafashe impapuro, bajyaho barandika , bivamo barabaza koko bidatinze bazanira udupapuro Del."

.

.

kurundi ruhande, Giana nyuma yo kubaza ibibazo bitandukanye Del, byarangiye asubijemo bike.

Giana ati:" ibibazo bine mu bibazo icumi nibyo ubashije gusubiza, ubwo rero urabonako byaduhesha amanota."

Del ati:" rwose ndatunguwe simbabeshye, ibyo bibazo uwabiteguye ni umuhanga. kabisa kandi. ahubwo ninde ngo tumugire Capiteni?"

Deliphine yagiye kuvuga agitangira ati:" ni...."

Giana ahita avuga ati:" Deliphine."

Deliphine yarikanze, gusa nyine ntakindi yari kurenza ho. Del yahise ahaguruka ati:" Ibi bibazo bizabazwa na abantu babiri ni Giana na Delphine."

Deliphine ati:" nibyo byiza wa mugani tukamenya aho byapfiriye."

Del ati:" byongeye kandi tuzakinira muri Lib ground yabo."

Giana ati:" nibyo byiza ahubwo. bagenzi babo bakajya babisekera twe twigaramiye."

Del ati:" mugende muruhuke rero Ejo ni gahunda."

.

.

kurundi ruhande, Del wa college ikirezi, yakomeje gucisha amaso mu bibazo bateguye, bidatinze araragiza afata ijambo ati:" bikomeye, kandi bitangaje, mwembi mwahuje, uretse Egide gusa wateguye ibitandukanye nabandi, bijyanye na kamere ye ahari. ibyo Egide yateguye rero ntabwo tubifata, ahubwo turafata ibyo mwahuriyeho mwese."

Egide ati:" nyamara wasanga ibyo mwirengagije aribyo byakajemo. njye rwose ndi kubyiyumvamo nabwo batubaza ibyo bateguye."

Diane ati:" bundi se Del ibyo bibazo Egide yateguye ni ibihe?"

Del ati:" biratangaje pe, nkikibazo cyambere yabajije ngo, kwicuza niba byarakubayeho ukagera naho ujya mu cyumba urara mo ukicara ku buriri ukarira,  byari bitewe niki?"

bose barasetse, James wari utaravuga narimwe aba abonye aho ahera, ati:" nyumvira kweri icyo ni ikibazo wabaza umuntu koko ushaka amanota?"

Egide ati:" niba atari ikibazo ngaho gisubize?"

James ati:" ntabwo byambaye ho noneho, nonese ndasubiza ibitarambayeho?"

Egide ati:" njye ntabwo nahamije ko bazabaza ibyo nateguye, ahubwo bazabaza ibigendanye nabyo."

Grace ati:" nanjye uko byumva ibyo bibazo ntibatinyuka kubitubaza."

Chantal ati:" ahubwo Del ndumva tutajyana na Egide koko numva atari buna dufashe kwitegura. kuko niba tutari kumvikana kubibazo, ntanubwo twahuza ibisubizo."

Poul ati:" ninako bimeze, ubuse umuntu uri kubaza utwo tubazo, wa mubaza igisasu bombe atomic cyakozwe nande agikorwa ryari akabasha kubisubiza?"

James ati:" ahubwo se wamubaza umuntu wambere wavumbuye ko hari indi mibumbe akamumenya?"

Chantal ati:" wamubajije ese ahubwo umuntu wambere wakoze urukingo rw'indwara ukareba ko amuzi?"

Diana ati:" niko Egide, perezida wambere wa korea yepfu yitwaga nde?"

baragiye biha Egide, baramuserereza koko, Del nawe afata Ijambo ati:" Egide rero mesa kamwe uhuze nabagenzi bawe."

Egide ati:" ntabwo nakwemera guhuza nabo. rwose ibyo bibazo bari kunyibarishwa, sibyo bazababaza. ibyo barabimenyereye ko aribyo byabazwa."

Del ati:" niba utemeye guhuza nabo uyumukinto ntawe uzakina."

Egide ati:" ntabwo nahuza nabo."

Del ati:" sawa mu mwanya wawe uzakinamo keza."

Egide ati:" byaruta.......

....................

...................................................

....Loading episode...27

.

Egide birangiye akuwe mubagomba gukina, bizagenda gute?

uyu mukino uzatsindwa nande hagati ya Es Ruha ni Ikirezi? ntuzacikwe.

.

|:::::::::::::::::::::-Navio-nv-:::::::::::::::::|