ELLA - Part 10

Ubwo yari yiryamiye agatotsi kamutwaye, Ella yakanguwe  n’abana barimo  kurira  kandi nubwo bariraga bate ntabwo yaba nyina cyangwa se hari uwigeze abumva ngo ajye kureba icyo babaye maze arabyuka ajya gukomanga ku cyumba cyabo ariko abura umuntu wamwumva

Yahisemo kujya mu  cyumba cy’abana arabafata abajyana mu cyumba cye maze bimugoye abasha kubaryamisha barasinzira na we abona gusinzira

Yakanguwe na Khalil warimo amubaza aho abana bari gusa yavugaga asakuza nk’aho ahari  abana be babibye

Ella yahagazze imbere ye yiyambariye ibyo ararana ntacyo yitayeho ubundi amureba mu maso, noneho  yumvaga nta bwoba afite  ahubwo afite umujinya kubera ukuntu aba bantu batita ku bana babo

ELLA: abana bawe baryamye hano kandi reka gusakuza utabakangura

Ella yumvaga yiteguye kuvugisha ukuri kuko iyo arakaye  nta na kimwe asigaza inyuma atakivuze

KHALIL: kuki baryamye iwawe se?

ELLA: kuko Laila yaraye arose nabi ararira habura n’umwe wamwumva

KHALIL: ushaka kuvuga se  yuko…

ELLA: nshaka kuvuga ko yaba wowe yaba umugore wawe muba mwasinziriye nk’aho mudafite abana mugomba kwitaho no  gutabara igihe babatabaje

Yabimubwiraga kandi  uwo amutunga urutoki nuko  Khalil amufata ikiganza  acyishyira mu  gituza nuko Ella arashiguka

KHALIL: rwose ndabizi  abana  banjye ubakorera akazi katoroshye ndetse kenshi, gusa  banza utuze nta mpamvu  yo kugaragaza uburakari rwose

ELLA: ni inama se cyangwa ni itegeko?  Ndumva ntashaka  gutuza pee. Ijoro ryose naraye ntasinziriye  neza bitari uko  abana barimo bataka ngo igisimba mu buriri gusa ahubwo no  kubera umwanya munini namaze nkomanga ku cyumba cyanyu nkabura uwanyumva ngo akingure yumve  ikibazo  abana bafite

Yabivugaga ababaye ariko anarakaye

Khalil  yabaye ataragira  icyo  yongeraho maze Laila aba yamaze kubyuka

LAILA: papa uri hano

Ella yitegereje neza Khalil uburyo yambaye mu  myambaro gakondo ariko ntiyabitindaho arirengagiza ariko yabonaga ari byiza

ELLA: ngaho rero ba ubitaho nanjye nisinzirire

Yahise yinjira mu cyumba aterura na Lana maze asohoka  asanga Ella agihagaze ku muryango

KHALIL: ngaho ruhuka  neza niwumva watuje  uze kundeba

ELLA: sinzi niba biri  bunzane kukureba rwose pee

KHALIL: ubwo  noneho ni  jye ndi  buze kukureba

ELLA: sawa

KHALIL: ni byiza

Ella yahise afunga umuryango nuko asubira kuryama ariko yumva umutima uri kumushinja kurengera. Umuntu amaze guhangara agasa n’umutonganya ni igikomangoma ndetse ni nimero ya gatatu mu butegetsi bw’igihugu, ni umugabo ufite intwaro  agendana akagira abarinzi ariko arahangaye amubwira  akari imurori koko

Yaryamye  atekereza ko nakanguka ari bujye gusaba imbabazi amazi atararenga inkombe kuko yarabyumvaga ko yarengereye rwose pee

Aho ari ku buriri, Khalil  yari kumwe  n’abana be kandi yumvagako ari  inshingano ze nk’umubyeyi kwita ku bana be nuko abaryamisha mu  gituza cye agerageza gutuma basinzira  ariko  nawe akomeza kurwana  n’uburakari  yari atewe na Ella kuko ntiyiyumvishaga ko uyu mukobwa rwose yamwubahuka aka kageni

Ariko nanone yakibuka uburyo yabonye asohoka mu cyumba yambaye agakanzu ararana ntacyo yitayeho, akibuka uburyo yabonye imiterere ye nabyo bikamwica mu  bwonko neza neza hamwe yumvaga imbaraga zimubanye inteja  burundu  burundu pee

Byamuzamuriye amarangamutima yagiriye uyu mwari kuva umunsi agera muri uru rugo

KHALIL: ariko se abana sinari narababwiye ko bya bisimba  byose nabyirukanye mu nzu byashizemo?

LAILA: papa hari hasigaye ikindi gisimba kimwe gitoya

Khalil rwose  akunda  uburyo abana be bisanzura bamubwira ibintu bitariho ariko kuri bo baba  bumva nyine bihari cyangwa se byabaye. Yakundaga kumarana na bo umwanya nubwo mbere atari ko byari bimeze

LANA: maze Ella ni we wirukanye icyo gisimba arimo kubyina azenguruka ku buriri nuko kiragenda

Khalil yahise yibaza uburyo iyo mibyinire yari imeze, yibaza anashushanya uburyo uwo  mukobwa yari amezemo, biramutangaza cyane

Akiri kwitegereza mu maso h’abana be,  Khalil yahise abona umugore we yinjiye aho mu cyumba cy’abana

AISHA: nabashatseee agahanga kahiye

Khalil yahise ahindukira amureba nk’icyo  imbwa ihaze nuko ahita abyuka ku  buriri

KHALIL: ahubwo nshaka ko tuvugana, kandi nonaha

Yahise amufata ukuboko nuko  basohoka  aho mu cyumba cy’abana bajya aho  abana batari bubashe kubumva

KHALIL: abana bawe baraye barira. Ni gute utabashije kubumva koko?

AISHA: nyine sinabumvise ubwo.

KHALIL: Ella yamaze hafi isaha yose akomanga ku cyumba cyanjye ntabwo yari azi yuko ntahari. Urumva ibyo bintu byumvikana uburyo anakomanga nabwo ntiwumve?

Khalil yaramurebye azunguza umutwe

KHALIL: ariko ubanza bariya bana utanabakunda si  gusa.  Cyangwa ni ishyari uba  ubafitiye?

AISHA: ishyari ku bana banjye? Gute se ubwo?

KHALIL: kuko nyine ari abana b’ingoma kandi wowe ukaba utari  we. Umenye ko na bo ari ibikomangomakazi erega

AISHA: none se jyewe sindi umugore wawe? Kandi umugore w’igikomangoma na we aba ari igikomangomakazi rwose

KHALIL: yewe aho warahibeshye burya disi. Ubanza ibyo nigeze kukuganiriza utarabyitayeho burya

Aisha yahise yumva muri we akonje cyane ndetse yumva atangiye gusuherwa neza neza

AISHA: ushaka kuvuga iki ubwo?

KHALIL: nyine sinahakanye ko uri umugore wanjye ariko burya kuba umugore wanjye ntabwo bikugira umwana w’ingoma na gato. Kuba we bisaba imihango ikomeye ndetse bigatangazwa kandi urabizi ibyo ntabwo byigeze bibaho. Abakobwa banjye ni bo bikomagomakazzi gusa kuko bavukiye  muri uru rugo, ni  amaraso yanjye. ntiwibuka koko uko byagenze bavuka?

Yakomeje kumureba  nuko akomeza amagambo yamubwiraga

KHALIL: ndabizi neza ko  ibi byose  byari muri gahunda zawe, untega  imitego  kugirango mu bantu naryamanaga na bo bose mbe  ari wowe ntera inda

AISHA: ntabwo ibyo uri kuvuga mbyumva na gato rwose

KHALIL: witwaje inda wumva ko izatuma uba umuntu ukomeye nawe mu gihugu ariko burya waribeshye ntabwo kugutera inda bituma ibindi byikora. Gusa nakubwiraga ko wakishimira iminsi umaze ufite ikuzo ryo kwitwa uwanjye, urindwa nk’igikomangoma koko ariko iminsi yawe burya irabaze

Khalil yamubwiye ayo magambo kuko yumvaga imyaka ibiri amaze atishimye igomba kugera ku musozo. Gusa ubwo byibuze amaze kumwerurira igisigaye ni uguhangana n’ikindi kibazo afite mu mutima we kandi yizeye ko kizacyemuka neza

*_Ese ni ikihe? Aisha ubu ntibamusenze? Agace ka 11 ntuzagacikwe_*