ELLA - Part 17

KHALIL:  umva  Ella wibuke  yuko   tuzasubirana  iwacu twese kandi. Uko turi bane, jyewe wowe n’abana

Ijwi rye rya mugitondo ryari rikomeye cyane  nuko Ella amurebye mu maso abona koko arakomeje ibyo arimo kuvuga

Ella yarikirije n’umutwe nuko arabyuka arambara dore ko hari hanakonje kubera imvura yari irimo kugwa

Mu mutima we yibazaga byinshi cyane bitandukanye ku byaraye bibaye ijoro ryose, gusa nanone mu mutima we akikomeza kuko ni ibintu yari yakoze abishaka kandi yararyohewe rwose pee

Yari abizi neza ko ibyabaye bitazakomeza kuko ntabwo ari inshuti ye, si umugore we kandi rwose ntabwo ari mu nshingano ze

Yumvaga ko umunsi azasubira iwabo nyine azakomeza kwibuka ibihe byiza yagize kandi yiyemeza ko atazabyicuza na rimwe

Yamaze gutegura  ibya  mugitondo nuko bajya ku meza

KHALIL: Ella wikomeza guhagarara banza nawe wicare  ariko

ELLA: ba uretse mbanze mutungayirize ariko

KHALIL: ubu se iminota itanu yose uyimaze koko uri gutunganya aho hantu cyangwa ahubwo ubwenge bwibereye ahandi? Reka noneho nze ngufashe

Yahise ahaguruka amusanga aho ari muko amufata mu mugongo maze Ella  yumva asheshe urumeza  neza neza

Ella yubitse umutwe yitegereza Lana aho yicaye imbere  ye

Nibwo ako kanya urugi rwahise rufungukana ingufu nyinshi maze Ella arikanga ahita areba mu cyerekezo cy’aho urugi ruri

Yari Aisha umugore wa Khalil wari winjiye  abaguye gitumo kuko ntabwo bari biteguye ko  ari buze ndetse ntabwo bari bazi ko ashobora kuza aho

Ella akimukubita  amaso  yahise  yubika   umutwe kuko yibwiraga ahari ko ari buhite amusoma mu maso ko hari ikintu yaraye akoranye n’umugabo we

KHALIL: Milan, Las Vegas mu ijoro rimwe ukaba hose urahagenze? Ubwo ntiwateze private jet ra?

Undi  yaracecetse nuko Khalil  arakomeza

KHALIL: none se uragenzwa n’iki?

Aisha yahise amujugunya  imbere  ikinyamakuru  yari afite

AISHA: ngibi ibingenza

Laila na Lana aho kugenda basanga nyina banamusuhuza ahubwo babaye nk’abamuhunga  maze begera Ella

Ella yabafashe mu  biganza maze yitegereza icyo kinyamakuru Aisha yari anaze ku meza imbere ya Khalil  nuko abona handitseho  mu nyuguti  nini ngo

IGIKOMANGOMA KHALIL  UBANZA CYABONYE IKINDI  KIREMWA BARIMO KWISHIMANA I LAS VEGAS

Ella yasomye ayo magambo yifata ku munwa nuko yitegereza Khalil aho ari na we ari kucyitegereza ariko ubona arimo gutekereza cyane nkuko byabonekaga mu maso he

AISHA: yatabaye abana bacu nuko nawe uti niboneye irindi habara?

Amagambo yavuze Ella yarayumvise yumva amarira ari gutemba ku matama  neza ariko  arihangana  kuko na we yari abizi ibyaraye  bibaye

Khalil yafashe cya  kinyamakuru nuko buhoro yubura  umutwe areba Aisha aho ahagaze imbere ye arongera yitegereza Ella hirya ye abona ko amagambo umugore we akoresheje yamubabaje cyane nuko uburakari bwinshi buramuzamuka

KHALIL:  Ella

Yaramurebye nuko akoresheje ikiganza  amubwira kujya  mu cyumba

Ella yahise ajya  mu  cyumba ajyana n’abana nuko bageze mu cyumba

ELLA:  mugume hano ndaje

Yahise asohoka mu cyumba afungura urugi bucece ku buryo bitumvikana maze yegera buhoro aho yasize Khalil na Aisha ngo yumve ibyo barimo baganira kuko yatekerezaga ko umuriro ugiye kwaka neza neza

AISHA: ariko se ni gute utinyuka kunkora ibi bintu koko? Uzi ko wankojeje isoni neza neza

Ella yatangiye kumva ubwoba bumwishe ariko arakomeza atega ugutwi

KHALIL: ese wowe ubona Ella atari mwiza bitarabaho koko?

Ella yabonye Khalil ahaguruka afite cya kinyamakuru mu ntoki ahagarara imbere y’umugore we. Yatekereje ko Khalil abwiye Aisha ayo magambo nk’uburyo bwo kumushyushya mu mutwe ibintu byatumye arushaho kugira ubwoba kuko ashobora kuzitwa kazarusenya neza neza 

AISHA: urimo gushaka kunyumva ariko si gusa?

KHALIL: oya rwose ndakomeje pee. Ahubwo aba banyamakuru banditse neza cyane bati IKIREMWA

Umugore we na we yaramwegereye ahagarara neza  neza imbere ye

AISHA: ese ubu utekereza ku gihugu cyawe? Aya makuru urakeka bari buyafate bate koko?

Ella yakomeje gutega amatwi ikiganiro cyose kuko yumvaga ashaka kumenya uko biri burangire byose

KHALIL: ni wowe uri kwishyushya mu mutwe. Iyi nkuru umuntu uyifiteho ikibazo ni wowe gusa rwose ntawundi. Rakin ntiyigeze ampamagara ndetse ntawundi muntu uwo ari we wese wigeze ambwira kuri iyi nkuru n’iyi foto rwose. Ahubwo ndabona nkomeje kuba icyamamare rwose ukuntu inkuru yo mu ijoro bwakeye yasakaye ahantu hose

AISHA: abantu bawe bakeneye umugabo uhamye ntabwo bakeneye umuntu uhora yandikwa mu binyamakuru rwose. Byaba ari ukuri cyangwa baba babeshya ntabwo uwo uri we wari ukwiye kwitwara utyo rwose. Ese wibuka ko ndi umugore wawe?

Ayo magambo Ella yarayumvise ayatekerezaho yitonze. Nibyo koko ni umugabo we none baraye baryamanye kandi baryamanye abizi neza ko ari umugabo w’abandi si ibintu byamutunguye. Nubwo  yari yiyemeje ko atazabyicuza ariko yatangiye kumva ikintu kimukomanga ku mutima yibuka koko ko umugabo baryamanye atari uwe. Yibajije uburyo ifoto gusa irikoroje noneho yibaza uko byagenda amenye ko  bararanye

KHALIL: umugore wanjye? Umugore wanjye rwose. Rero umva nkubwire niba imyitwarire yanjye itakunejeje ushaka ntabwo wabyitaho kuko ni ubuzima bwanjye bwite ntabwo rero bikureba rwose pee

Ella yifuzaga yuko iyo ntambara y’amagambo  yahosha 

Aho ahagaze yumvaga mu nda bitangiye kwivanga akumva ikintu cya rusoka kimufashe. Yari afite ubwoba ko abana bashobora kumva se atongana na nyina, ibintu yumvaga bitaba ari byiza na gato rwose pee

Aho ahagaze yumvise umuntu amufashe ukuguru nuko ahindukiye abona ni Lana maze yanga ko amuvugisha bakabumva nuko basubirana mu cyumba afungaho maze abwira Lana kuryama

LANA: ndashonje

Yibutse koko ko Aisha yaje bagiye gufata ibya mu gitondo

Yamufashe amukomeje agerageza gutuma atuza

ELLA: ba wihanganye gato cherie

Yumvise ikiniga kimufashe yumva amarira atangiye gutemba ku matama nanone. Yahise atekereza iyo nkuru iramutse igeze iwabo maze nyirasenge akamubona mu binyamakuru

Ako kanya urugi rwarafungutse maze abona Khalil arinjiye

KHALIL: abana mujye gusangira na Nicole nshaka kuganira na Ella

*_Bagiye kuganira ibiki ubu? Agace ka 18 ntuzagacikwe_*