ELLA - Part 22

Ella yavuye mu mazi maze yambara peignoir gusa muri we ntabwo yiyumvaga neza kubera ko yari agiye nanone kongera guhura na Khalil agasa  n’uwongeye guhangana na we ku mwanzuro yari yafashe wo gutaha mu gihe Khalil we  yumvaga adakwiye kugenda kuko yaramushakaga cyane pee

Ntiyigoye ashaka umwenda  wo kwambara ahubwo  yagiye kumureba acyambaye ya peignoir  gusa  yagendaga  yumva mu mutima we haremereye cyane ndetse yagendaga aseta ibirenge kuko ntabwo yumvaga rwose uburyo ari bwitware imbere ya  Khalil

Ariko nanone yumvaga  adakwiye gutsindwa ataburanye nuko yiyemeza kugenda maze akamubwira akamuri ku mutima adaciye ku ruhande na gato

Yageze ku muryango maze arafungura arinjira

Khalil akimukubita amaso yaguye mu  kantu kuko ntabwo yiyumvishaga yuko yaza  mu biro  bye atambaye

KHALIL: none  se ni  ukwibagirwa cyangwa wabikoze ubishaka?

ELLA: ibiki se kandi?

KHALIL:  kuki uje kundeba  utambaye

ELLA:  eeeh, numvaga  nshaka ko iki kiganiro tukirangiza  vuba niyo mpamvu

Yaramurebye yumva atunguwe kuko ni  ubwa mbere umuntu atinyuka kumuhangara aka kageni  kandi akabikora ubona adafite  ubwoba

Ella yakenyeye  neza afunga umukandara nuko ategereza kumva icyo Khalil amubwira

KHALIL: urumva wifuza ko iki kiganiro kirangira?

ELLA: cyane rwose kuko tukimazeho iminsi

KHALIL: noneho guma hano, urebe ko nzongera kubivugaho ukundi

ELLA: uri kunsaba ibintu bidashoboka urabizi nawe ariko rwose pee

Khalil yahise azinga umunya nkuko asanzwe abigenza iyo atishimiye ibyo abwiwe

KHALIL: nugenda nzagukurikira ni hahandi

ntabwo yabivuze mu ijwi ryinginga ahubwo yabivuze mu ijwi ritegeka  rinarimo gutera ubwoba

ELLA: wikomeza kuzana ariko iterabwoba Khalil, ntukumveko buri gihe wabona  icyo ushaka uko  ushaka

KHALIL: impamvu uvuga utyo erega ni uko ntarakwereka uwo  ndi we ngo cyangwa nkwereke icyo nshoboye  niyo mpamvu byose  uba wabyoroheje  wabiciye amazi

Ella yumvise umujinya uri kumuzamuka. Ese niba  Khalil  yarakunze kuki atakoresha amagambo atuje kandi arimo uburyohe no gutereta aho  gukoresha amagambo atari meza ndetse arimo  gutegeka  no gutera ubwoba. Ella na we ku  bwe arumva atataha rwose pee  ariko  nanone akurikije uburyo uyu mugabo ari kubyitwaramo ntabwo  bishoboka

ELLA:  none se icyo ushobboye nikitaboneka

KHALIL: ndagifite erega nyizera. Hari icyo nshoboye kandi cyatuma utagenda ahubwo ukaguma hano

ELLA: hanyuma se nyuma uzakora iki ubwo ra?

Khalil yahise amwegera amugera iruhande maze amusoma ku munwa nuko Ella aratwarwa aramureka aramusoma kuko na byo yari abikumbuye. Nubwo badahuza imyumvire ariko na we yarakunze nubwo abibona ko yakunze urudashoboka

KHALIL: hanyuma nzakugira umugore wanjye. Hari ibindi se?

Ella kumva ijambo kurongorwa byamuteraga  akanyamuneza ariko bikanamutera ubwoba. Kurongorwa ntabyanze ariko se ararongorwa na nde?  Mu kihe gihugu? Bizwi na nde se?

Khalil na we aho ahagaze imbere ye yakomezaga kumureba mu maso 

KHALIL: ese ko ntakintu uri kumbwira cherie? Habibti

ELLA: ese ubwo ahubwo ntiwataye umutwe wowe?

KHALIL: oya meze neza rwose pee

ELLA:  ese wibukako mfite imyaka 23  gusa wowe?

KHALIL: none bitwaye iki? Nagirango  ugiye  kuvuga ko uri mineur naho rwose ufite imyaka  ihagije

Ella yasigaye  abuze ikintu kindi  cyabasha kumurengera kuko  ibyo yavugaga byose byarangiraga bifashe ubusa pee

KHALIL:  ese ntabwo wishimye?

ELLA: ntabwo ibintu uri  kuvuga rwose bijyanye n’ingingo turi kuvugaho

KHALIL: uzaba umugore wanjye habibti kandi rwose iryo ni isezerano  nihaye nawe  ndariguhaye. Ubwo ubimenye ko niyo imvura yagwa cyangwa se izuba rikava ari  hahandi kandi uzabaho wishimye humura

ELLA: ese ntabwo ukeneye kumenya icyo jyewe nshaka ubwo

KHALIL: ariko icyo ushaka ndakizi jyewe.  Erega amaso  yawe arakuraburiza nuko utabizi. Mu maso hawe harivugira burya ushaka wabyemera rwose pee. Kuva nakumenya buriya ndeba mu maso hawe kenshi  nkagira ikintu mbonamo. Rero urankunda, ibyo  gutaha sinzi ikibikuzanisha

Yavuze  ayo  magambo yumva umutima  we ugiye kuvamo ukisohokera kuko rwose  ibyo yari avuze ni ukuri wagirango amusoma mu mutwe

ELLA: umva Khalil wikigira utyo ndakwinginze rwose pee. Wikomeza kwitwara nk’umuntu ushaka kuntekerereza cyangwa kumfatira imyanzuro rwose pee

KHALIL: njyewe ubu simbeshyewe koko? Icyo nkoze ni ukuvuga ibikuri mu mutima nta kindi nkoze kidasanzwe rwose pee

Yahise akomeza kumusoma nuko umukobwa nawe akumva yahita amwiha wese rwose neza neza ariko nanone akumva akwiye kwifata ntatwarwe n’amarangamutima

ELLA: ariko uri umusazi Khalil neza neza. Erega ibyo mvuga umenye ko jyewe nkomeje

KHALIL: sha nibyo ndabyemera narasaze nyine kandi ni wowe wanshajije nashajijwe n’urukundo ngukunda

Ella yabanje  gufunga amaso  nuko yitsaumutima. Yasubiye inyuma gato  nuko amureba mu maso

ELLA: none ndamutsenanze icyifuzo cyawe se ubundi?

KHALIL: ntabwo wabyanga malayika wacu. Ndabizi kandi  ndabibona rwose pee

Yabivugaga amunyura iruhande nuko Ella aramureba

ELLA: uri kujya hehe Khalil?

KHALIL: ngiye gushaka rwa rupapuro yewe

ELLA: erega impapuro zabaye impapuro neza neza. Ese Khalil urwo rupapuro nta kuntu waba urwibagiwe akanya gato nanjye ukampa akanya koko?

Ella yabivugaga ashaka gufungura umushumi wari ufunze peignoir yambaye ngo arebe ko wenda Khalil yagaruka bakigira mu bindi ibyo bakaba babyihoreye ariko Khalil yaramurebye

KHALIL: ntarabona uru rupapuro ntabwo natuza. Nimara kurubona ni wowe nzasigara nitaho gusa ntawundi rwose kandi byizere

Ella yahise asohoka muri icyo cyumba cy’ibiro bya Khalil ariko yumva umutima we utameze neza ababaye ndetse cyane yibaza ibiri kumubaho amaherezo yabyo kuko ntabwo yumvaga ashaka guharikwa cyangwa kugirwa umugore wa kabiri ariko nanone akumva akunda Khalil ku buryo atakemera kumureka

Arabizi neza ko Aisha afite umwanya ukomeye mu buzima bwa  Khalil kubera yuko ni umubyeyi w’abana be. Nubwo atabitaho uko bikwiye koko ariko ni abe kandi ni umugore w’isezerano

Yageze mu cyumba cye yicara hasi yibaza ibiri kumubaho amaherezo yabyo

*_Ese wa mugani amaherezo ni ayahe? Azemera ahagume cyangwa azamucika? Agace ka 23 ntuzagacikwe_*