ELLA - Part 18

 

Abana bamaze gusohoka mu cyumba Khalil yaraje yegera Ella aho yicaye amusaba guhaguruka nuko undi arahaguruka

KHALIL: iriya foto ntiguteshe umutwe, ndaza kubyitaho ibya kiriya kinyamakuru

ELLA: ese ko numva ubifata nk’ibyoroshye koko?

KHALIL: nyine biroroshye. Ahubwo wikomeza kumera gutyo nanjye biri kumbabaza rwose

ELLA: gusa umugore  wawe afite ukuri koko.  Ufite inshingano zikomeye kandi nyine urubatse

Ella yabivugaga ashaka gusohoka  nuko amufata ukuboko

KHALIL: inama naguha ni ukuguma hano

Ella yahise amwishikuza ubundi aramureba

ELLA: umva   ntukampe amategeko umenye ko ntari umukozi wawe  kandi sindi ikigoryi bigeze aho

Khalil yibajije ikintu kibi akoze cyangwa avuze biramuyobera 

KHALIL: nyine ntabwo uri umukozi wanjye  niyo mpamvu ntagutegetse ahubwo nguhaye inama. Kandi wishaka guhunga nk’aho nakugiriye nabi

ELLA: si uguhunga ahubwo ndi kuguha uko mbyumva  najye

KHALIL: uko ubyumva rero ntabwo biri kunshimisha

ELLA: harya ngo ni wowe uba ugomba kuvuga ijambo rya nyuma? Ni wowe ufata umwanzuro nyine?

Khalil yaramwihoreye aragenda nuko agaruka nyuma n’igikapu

KHALIL: pakira dusubire iwacu gahunda zindi ndazisubitse ubu

Yahise asohoka amusiga aho atanamuhaye akanya ko kumusubiza

Ella yibajije niba koko yari aje kumubwira ibyo kutita ku kinyamakuru cyangwa se niba icyo yashakaga kumubwira yakiretse biramuyobera

Yarapakiye nuko amaze gupakira ibye ajya kureba abana aho bari na Nicole na bo bapakira  ibyabo nuko babishoje Khalil azana imodoka  bajyamo berekeza ku kibuga cy’indege

Ubwo bageraga mu ndege abana bahise bisinzirira nuko bo bakomeza kuganira

KHALIL: humura nitugera iwacu ibyerekeye ya nkuru nzabyitaho rwose ndabigusezeranyije

ELLA: ese ko byaguhangayikishije kandi ari ifoto gusa itanagize icyo itwaye? Kandi rwose ntabwo nshaka kumenyekana, nabonye ntaboneka neza ntibigutere ikibazo

Yahise amuhereza cya kinyamakuru

KHALIL: ngaho fungura urebe

Ella yarafunguye ubundi yifata ku munwa neza neza

Umuntu wabafotoye ni umupaparazi wa nyawe kuko yabafotoye amafoto menshi kandi atandukanye kuva muryango binjira, mu kabari basangira, aho muri casino...

KHALIL: gusa turaberanye burya pee

ELLA: ese ubwo ibyo birashekeje ko mbona ubigize urwenya koko? Umva ushake ikintu ukora hakiri kare rwose naho ubundi urugo rwawe rwaba ruri mu bibazo. Ndumva wazavuga ko ari umuntu utazi mwahuye….

KHALIL: none se wowe uri umuntu utazwi ute ko no mu gihugu cyanjye uzwi

ELLA: ngo ndazwi? Gute ubwo koko?

KHALIL: umunsi utoragura abana bacu nagiye mu itangazamakuru kuvuga uko byagenze byose kandi narakuvuze nyine, nubwo wenda nta foto yawe babonye ariko izina bararizi

ELLA: Mana yanjye noneho aya makuru nagera kuri tante arahita arwara umutima pee.

KHALIL: none se kuba uri kumwe nanjye biteye ikibazo bigeze aho koko?

ELLA: oya ariko wibuke ko erega ntari umwe mu bantu bawe

KHALIL: abahe bantu banjye ubwo ushaka kuvuga?

Ella yabanje kureba ko abana bagisinziriye 

ELLA: none se undebye ubona…

KHALIL: izo ni impamvu zimwe zishe byinshi rwose kandi zidafite ishingiro na gato pee

Ella yaramurebye ariko akomeza kumva afite ishingiro rwose pee. Nibwo Khalil yamufataga mu biganza aramureba

KHALIL: ubu se ahubwo ntabwo ushaka kuzongera gukora nk’ibyo twaraye dukoze?

Ella yabanje gufunga amaso nuko yiyibutsa ijoro ryakeye uko byagenze byose koko nuko ubwoba buramutaha yibutse ko byari byiza ariko akaba ari umugabo w’abandi

KHALIL: Ella ndagusaba ugumane nanjye iminsi yose uzamara muri iki gihugu pee

ELLA: ubundi nakekaga yuko uzitwaza abana kugirango ngume iwawe none ndabona ibintu byahindutse

KHALIL: mbere niko nabyumvaga ariko ubu rwose byahindutse pee. Ntabwo numva wagenda

Ella yaramwenyuye nuko aratuza

KHALIL: ba uruhuka noneho ndaje mbanze ngire abantu mpamagara

Yahise ajya hirya gato guhamagara dore ko bari mu ndege yabo gusa maze Ella na we aboneraho akanya ko kuruhuka ariko yahise yumva akana kamwe gakangutse

LAILA: Ella nshaka ko unterura

Abana bamukunda kubi kandi na we yarabikundiye rwose. Nubwo ubona ababyeyi babo batabanye neza

Yahise amukikira

Mu nzira Ella yagendaga yibaza ibibazo byinshi mu mutwe aho yabanje kwibaza uburyo ari bwihishe itangazamakuru ariko amahirwe ye bageze iwabo ntiyagira umunyamakuru n’umwe abona

Gusa nanone Khalil yakomezaga kuvugira kenshi kuri telefoni wumva ari gutanga amategeko atandukanye ubundi icyabihuhuye byose ni igihe Ella yajyaga kubona akabona nyirasenge amuhamagaye yahise ashya ubwoba kuko yari yamenye na we ya makuru

Nubwo yamubwiye gutembera ariko ntabwo yari yamubwiye kujya mu bagabo, ibintu yakomeje kumutonganyiriza cyane nubwo Ella atigeze amubwira ukuri kose kuko yumvaga abimubwiye noneho byaba birangiye pee.

Yagendagendaga mu nzu avugira kuri telefoni agerageza kwisobanura ariko biba iby’ubusa pee

Yagiye kubona abona Khalil amuje iruhande ahita amwambura telefoni

KHALIL: wigira ikibazo ndaje muvugishe biracyemuka byose

Ella yashatse kuyimwabura ariko Khalil arayimwima nuko arangije ahita avugisha uwo mubyeyi gusa yari hirya ye gato ku buryo Ella atabashije kumva ikiganiro bagiranaga

Ubwo Khalil yamaraga kuvugira kuri telefoni yarayimugaruriye nuko amugeze iruhande abona umukobwa ameze nk’uhari adahari ibitekerezo bye ubona ko byibereye kure cyane rwose.

KHALIL: Ella? Umeze neza?

Ella yaramwenyuye

ELLA: yego meze neza. Tante ati iki se?

KHALIL: sha ahubwo ni umwana mwiza rwose pee. Kandi namubwiye ko bidateye ikibazo, namuhumurije rwose

ELLA: sawa noneho

Khalil yamweguye umutwe kuko yabonaga ashobora kuba afite ikibazo rwose

KHALIL: Ella ndabona nyamara utameze neza pee.

ELLA: ni umunaniro ahari kubera guhindagura amasaha

Khalil yitegereje ikirere abona izuba riri kurenga koko kandi aho bavuye na ho bavuyeyo riri kurenga, yibuka ko na we kubimenyera byamutwaye igihe

Uzi kuva mu gihugu kimwe ubyutse aho ugeze ugasanga bo bagiye kuryama kubera bwije kandi urugendo rutari rurerure

KHALIL: ngaho jya mu cyumba kuruhuka rero

Ella yaragiye nuko Khalil asigara yibaza byinshi mu mutima we. Ubusanzwe ibi bintu ntabwo abyiyiziho na rimwe rwose pee. Gusa kuri uyu we arabona bidasanzwe

Yibajije niba ari ibiki byamufashe nuko yitegereza Ella uko agenda agana mu cyumba cye azunguza umutwe

*_Ese uyu mukobwa ubu azataha cyangwa azarya gumino? Agace ka 19 ntuzagacikwe_*