ELLA - Part 19

Aho aryamye agaramye Ella yarimo aribaza byinshi mu mutwe we ariko nta na  kimwe yashoboraga kubonera igisubizo  ako  kanya  kuko yumvaga  biri kugenda birenga intekerezo  ze

Gusa  nanone yakibukako byahoze  biri mu   byifuzo bye akiri muto akumva ko ari kugenda asohoza inzozi  ze buhoro buhoro

Ariko  nanone yakibukako ibyishimo ari kugira  arimo  kubigirana n’umugabo utari  uwe ubwoba bukazamuka

noneho kwibuka ko ashigaje  iminsi  ibarirwa ku  ntoki ngo asubire iwabo na byo ubwabyo byamushenguraga umutima

Ibyo  byose uko yabitekerezaga byari   byamutwaye  kuburyo atamenyeko Khalil yinjiye mu cyumba

ELLA: uziko   unkanze

KHALIL: maze iminota irenga itanu mpagaze hano. Ufite ikihe kibazo Ella?

Kumva  ijwi   rye  riremereye  ubwabyo  byarushijeho kumuzamurira  amaranngamutima  gusa  nanone ubwoba   bwari bwinnshi   muri  we  ku  buryo  kubuhisha byari bigoye  nubwo yabigerageje

ELLA: nta kibazo ariko   na kimwe mfite pee. Ni ukuri

KHALIL: mu maso  hawe rero  harivugira  kandi ho  hari kwerekana ibitandukanye n’ibyo uvuga

Kuva ari umwana arabizi mu maso he haramutamaza buri gihe kuko ntabwo azi kuhahuza n’uko abishaka. Afite ubwoba cyangwa se ahangayitse ntabwo wabiyoberwa umurebye mu maso gusa pee

Yahise ashaka uburyo yamuhisha mu maso ngo adakomeza kumusomamo ibimurimo

Yahise abyuka nuko  yicara ku buriri ubundi aramwegera maze amufata ku ntugu

ELLA:  ndumva muri  jye hari  ibyambujije amahoro…

KHALIL: wasanga kandi ari jye nayakubujije ndabizi ubu. Erega ndi umugabo uboneka hake kandi mwiza impande zose haba ku gihagararo cyangwa mu buriri

Ella yumvaga ari kurushaho kumutera ubushagarira akoresheje amagambo ye yavuganaga ijwi rye riremereye maze abona ntaho afite yahungira na gato rwose

ELLA: yego, nabuze amahoro mu mutima pee

Khalil yahise amuterura nanone ubundi atangira kumusoma maze Ella yibuka uko ubushize byatangiye maze yiyumvisha ko nanone bishobora kongera

Yahumirije amaso maze aratwarwa na kiss  yari imeze neza, banarangije gusomana akomeza kuyahumiriza umwanya munini atavuga undi na we atavuga

Ubwo yabumburaga amaso yabonye Khalil ameze nk’umuntu uri gutekereza cyane

ELLA: uri gutekereza ibiki Khalil?

Bwari ubwa mbere amuvuze mu izina maze bituma uyu  yumva bimutunguye ariko binamushimishije

KHALIL: Khalil? Wakongera ukabisubiramo basi rimwe?

ELLA: Khalil…

Yavuze atyo ariko ijwi riri hasi, ari kumwenyura

Khalil yahise agira mu maso hameze neza hakeye cyane. Ella yategereje ko uyu na we yagira ikintu kizima amubwira ariko araheba

KHALIL: mpora nibaza niba papa hari umunsi yagize byibuze umwe wo kwishima mu buzima bwe

ELLA: ntukabyibaze buriya byarabaye ndetse birenze umunsi umwe

KHALIL: habibti nawe rwose. Wibyemeza kuko ntabwo data umuzi kuko papa yari umuntu udacana uwaka n’abagore

Ella yibutse amagambo Khalil yigeze kumubwira yerekeye nyina uko byagenze nuko asanga koko bishoboka

ELLA: ariko burya ntabwo kubana nabi n’umuntu bikuraho icyizere cyo kuba wabona undi muntu kandi mwiza

KHALIL: ntabwo nifuza kuzapfa urwo data yapfuye rero pee. Na rimwe

Ella yumvise ayo magambo avuganywe agahinda nuko areguka buhoro yitegereza Khalil mu maso abona mu maso he hatangiye kwijima cyane

ELLA: humura ntabwo uzarangiza nkawe pee

Khalil yahise amukorakora buhoro ku matama nuko undi  na we aratuza maze amwegekaho umusaya maze ahita amusoma ku gahanga

KHALIL: mbwira ikintu ukunda Ella

ELLA: ariko niba nibuka neza ndumva narakikubwiye pee. Nkunda gusoma kurenza ibindi bintu byose bibaho

Khalil yamwitegereje mu maso nuko undi na we yumva arongeye asesa urumeza

KHALIL: wumve ngo nasabye Rakin gushakisha amakuru akwerekeye yose y’ikintu waba ukunda ariko nta na kimwe yabashije kubona. Ubundi bite wowe

Ella yumvise isoni zimufashe maze areba ku ruhande.

KHALIL: ndeba ariko wireba hirya se nawe

Ella yamurebye mu maso  abanje kwitsa umutima

KHALIL: ntabwo ndi kukugaya ariko ahubwo ni uko…

ELLA: ni uko ntandukanye n’abandi bagore uteretana na bo, ubanza ahari ndi umwihariko  ubwo

KhALIL: wikomeza kuvuga ibyo bintu ndakubujije

Yahise amujya hejuru nuko avuga amagambo menshi y’icyarabu Ella atabashaga kumva na gato  nuko  amaze  kuyavuga atangira  kumusoma ahereye ku munwa ubundi akomeza amusoma umubiri ahandi nko  ku rutugu, mu gahanga…

ELLA: ikintu rero mutabashije kumenya burya nzi no guteka ndanabikunda cyane

Khalil yahise yeguka buhoro nuko amureba mu maso arongera amusoma ku itama

KHALIL: ayo makuru umbwiye ni ingenzi cyane ndetse ni na meza rwose

Ella yananiwe kugira ikindi kintu arenzaho ahubwo afunga amaso nanone ubundi agiye kumva yumva umugabo atangiye kumukorakora maze aramureka afatiraho erega ubwo kaba karabaye

Barangije Ella yumvise ananiwe ku buryo yumvaga ashaka gusinzira ariko ibitotsi byanze kuza neza neza ahubwo umutima we warimo uteragura cyane yibaza byinshi

Amarangamutima, ubwoba, ibibazo byose byari byateraniye muri we akibaza amaherezo y’ibi bintu akayabura neza neza

Ubwo yageze aho afungura amaso maze arebye abona Khalil na we yasinziriye ariko uburyo yabonaga mu maso he hameze yabonaga  atari ugusinzira ahubwo ari uguhumiriza cyangwa se akaba yisinzirije abishaka atari uko afite ibitotsi

Yamwegereje umutwe buhoro ashaka kumusoma atamureba nuko agiye kubona abona Khalil aramwenyuye maze afungura amaso asanga neza neza umunwa we uri hafi maze ahita amusingira aramusoma

ELLA: ntabwo wari usinziriye?

KHALIL: oya ntabwo nsinziriye gusa nanone birakwiye ko dushaka uko twasinzira. Ubu se turare dukora ibintu cyangwa turebana akana ko mu jisho ejo ni nde uzita ku bana banjye? Ubu mu kanya babyutse urabumva bari gukomanga 

Ella yabitekerejeho asanga koko ni byo bikwiye kuryama bagasinzira kubera yuko ejo ni undi munsi. Ariko muri we yumvaga atizeye kubona imbaraga zimusinziriza rwose pee. Gusa ku rundi ruhande nanone yumvaga bikwiye kandi bishoboka maze aramupfumbata afunga amaso ashakisha ibitotsi

*_Ese basigaye banararana? Aisha yagiye hehe? Agace ka 20 ntuzagacikwe_*